[UNTA DAMGO RA]
by: GreeneverGardenn

07.24.23
(MONDAY)

~~~

Zai's POV

Hi there! I'm Zai, unya ra ang full name para mysterious. Welcome to my awkward yet full of excitement life, di bitaw uy. Take two. Welcome sa akong gubot ug makabuang na love story! Most people call me snob at first glance, but don't mind anyway. I am not good at drawing but I love doodling on the corner of my old drawing book. Kana lang sa kay I'm broke. That's not really my number one talent, kay taguan feelings man gyud ang rank one sakong talents.

Third day na karon sukad pagsugod sa klase, ug malate pa gyud ko. Syempre, byahe pa gud ko gikan mars. Este, sa bukid diay paingon sa lungsod. Malas man gud kaayo kay wala didto ang strand nga gusto nakong kuhaon. Naglikay ra bitaw ko ni crush. Eme. Mao to, sa akong pagdali-dali ug saka sa hagdanan naay babae na akong nakabangga. Masuko na unta ko pero ni siga man gud iyang mata, lingin raba kaayo.

"Hoy, dai!" sugod pa niya ug sulti.

Thanks to my baby face, kay gi inday ko. Pero ikaw dili ka niya baby maong ayaw pag assume, sakit raba.

"Is that you?" pangutana niya ug gi tudlo ko.

No, I'm you. Klaro ana, walay makasuon sa akong beauty baya kay unique ni.

"What do you mean?" balik nakong pangutana niya. Abi man nako ug masuko ni siya pero mura man ug nalipay hinuon nakasugat ug pareha nga tabian.

Gi tarong pa nako akong bag, ug nakahilan ang tanom sa daplin sa hagdanan. Maygani wa nahulog ug wala sab siya kabantay, malas na dayon unta to.

"Si Aina, right?" panigurado pa niya.

Klaro man, naay ID oh - karaan pa ni. Giunsa bitaw niya pagkahibaw sa akong nickname? "Yes, why?" kunuhay curious ta diring dapita.

"Hoy! Wala na ka kaila nako? Common, it's me your friennyyy." paila pa niya ug gi hapak ko sa abaga. Karon, nakaremember na jud ko kay wala man lain sa akong friend nga kusog manghapak, nga murag naay dala kalagot ba.

"Nics? Bantog wala ko kaila nimo kay ni samot man ka ug ka unggoy ba." katawa ko pa nga sulti.

Unya, nanghapak na pud siya. Naa gihapon mi sa stairways ga barog ron, maynalang kay walay nangagi kay murag sagabal jud mi.

"Ikaw sab ay," ni sandig siya ug gamay sa may pader aron makaatubang jud mi ug tarong. Murag andam na gyud siya for more chikahan. "Naunsa baya ka nga kaliwat ra baya ta," dugang pa niya ug nanghapak na sab. Basta kani akong kaatubang mabun-og gyud ko. Ni tarong ra man guro ni siya ug pwesto aron dali ra makapanghapak.

"Sige man ka ug panghapak! Asa man ang canteen diri ba? Kay aron makatabi ta ug tarong while magkaon. Wala baya koy pamahaw." hagad nako niya ug maayo na lang kay ni sugot. Mas maayo unta kung manlibre ni.

"Tana," gi guyod dayon ko niya.
Alkansi ko uy, mag sige man ug panghapak. Naa gani to kausa nga nalagpot tawon ko kay tungod gi kilig ra siya.

"Hoy, dai. Writer man ka sa? Nakabasa gani ko atong story nimo sa Wattpad nga 'I LOVE HIS LOVER'. Katong story nimo ba nga sakit kaayo kay gi ilog sa iyang friend iyang lalove." Kalit pa niya nga sulti while ga kitkit ko sa fried chicken. Nahunong sab tawn ko kay na caught man akong extension, este, attention sa iyang topic. Ga tabi na ni siya ug sugod na sab kay humana man ug kaon, pasensya na lang kay slow eater ko. Gi butang dayon nako sa plato ang bukog na lang sa manok ug gi inom tong panglast nga larok sa sprite gikan sa baso.

"Ngano man unta?" curious pa nako na pangutana niya. Dako kaayo ug ngisi intawon siya.

"Apil kaha sa writers' club? Sakto adtu ko paingon sa art club unya tapad ra bitaw." Tubag pa niya ug ni barog na. Gi kuha niya iyang shoulder bag ug dala ni niya kay murag excited na kaayo bayhana ba. Maayo na lang gani walay klase kay naay importante nga meeting ang mga teachers, late na unta ko ato. While ga lakaw mi paingon atong room na iyang gi ingon, daghan pa kaayo siya ug chika. Syempre, tabian baya mi maong bisan asa nalang naabot among topic.

"Apil sab ka adtu?" pangutana pa nako niya while gasaka mi sa hagdanan. Nag-una man siya nako, maong nilingi siya ug ni tubag, "Dili uy, sa Art's Club ko." I wonder nganong nahilig ko sa art kay gipatakdan diay ko aning bayhana.

"Pero kaila nakong head kay cousin man sila sa leader sa among club. Mga igop baya!" explain niya. Pwerte gyud ni siya kay gwapo gyud ang permi ginapangita.

"Hi kuya!" singgit pa sa akong kauban dihang naabot na mi sa second floor ug naay laki nga ga barog sa may door sa room number 10. Ni lingi sab ang tao, syempre dili man kaha ni alien? Gi duol dayon namo ang laki. Apil ko ug duol uy kay gi guyod man ko aning bayhana ug iyang gi ingnan dayon ang laki sa among tuyo, "Naa raw mo join sa inyong club." Deritso nga sulti sakong frienny, feeling close gyud ni siya uy.

"Ah, yes. Sakto kulang pa mi ug secretary na lang. If go ra ka, Ms?" Tubag pa ni kuya ug ni tan-aw siya nako. Malamang, ako gud iyang kaistorya. Since ganahan man ko mo balik ug suwat, sakto kaayo mo apil ko ani aron naa koy inspiration ba eme.

"Yes, unta?" Tando pa nako with excitement.

Ang isa tawn diri, nagtan-aw ra namo. Na crush guro ni siya aning lakiha, ayaw na kay akoy mo puli. Joke only.

"Welcome to our club! I'm Zachary, but you can call me Zack for short," paila pa niya ug gi tunol iyang kamot kay para makashake hands mi. Gi dawat sab nako, ug sa akong paghikap kay murag siya na lang akong nakita ug daw ni slow motion ang pag-ikot sa akong kalibutan ug dayon kay- eme ra. Di ta anang crush crush kay basin naay uyab si angkol, masakitan ra ko.

"Just call me, Zai. Short for Zariah Zaina" Introduce ko pa ug gi kuha dayon nako akong kamot ug gi suksok kini sulod sa bulsa sakong skirt. The same way sa iyang gi buhat kay iya man sab gi suksok iyang kamot syempre sa bulsa sa iyang pants, ayaw pag expect ug lain gud diha. After ana kay ni pahiyom siya. Infairness, dili lang kay soft iyang kamot, gwapo sab diay uy pero syempre layo ra sakong standard maong pass lang kay sakit baya ning gugma gugma.

Pag gawas namo ni sugod na sab ug kuda ang akong kauban, "Murag like man ka niya." unsa daw?

Kabantay siguro siya nga wala ko mitingog maong, ni sutoy na lang siya ug tabi.

"Hoy, murag like man ka atong kuya. The way he stare at you naay sparks." Amaw bayhana. "Layo ra to sa akong standard."

"Ayna, basin ug ma fall ka wala na nay pulos imong standard. Basin maghilak pa gani ka bisan unsa na siya ka red flag. Mark my words." advice niini. Well, naa siyay point.

Di ko uy, mangita ko ug mala Juanito or Ace man lang.

"Huwat sa diha kay naa koy ibutang sa room." dugang niya ug ni sulod na. Naa siyay papers gi bitbit ug for sure mga arts to.

---

Usa ka gabie niana, mga 10PM ni kalit ug tingog akong messenger. Naa na gud ko sa kama ug matulog na unta ko pero pag check nako kay ni chat man diay si angkol.

"Hi, Ms. Responsible." sugod pa niya.
Nindota sab ani mo compliment niya uy kay maka inlove.
"Yes, Mr. President? Unsay ato?" reply pa nako niya, syempre buotan baya ko.
"Imoha na ko." chat pa niya. Unsa daw?
"Just kidding" sumpay sa iyang chat ug kita sab nako ga typing. Mo tuo na unta ko ato niya kay gi bawi man. Humok raba ko ug simod, saon man nga katong ga uwan ug assumera nagbaha man sa amo ug nalumos ko.
"Seriously, naa kay copy sa mga new members ug ang mga nakapass na sa first draft?" pangutana niya. Syempre naa, responsible baya ko. Gi tagaan sab nako siya, sakong gugma. eme. sa notes diay.

Ing-ana ra kadali. Naabtan gyud mi ug alas dos atong panahona. Didto na gasugod among chats, about sa club and more than that. Sometimes makaremember ko na nagrant ko ug makaingon ko na he's a good listener. Dili diay tantong red flag uy, pero wa ko ga expect sa tanan na ang joke ra nako nahimong tinuod.

Is it love? Ay ambot.

Nganong kung naay mga babae nga iyang makaduol or kanang makita nako nga close sila kay magselos naman nuon ko? Wala man koy dapat ika selos kay wala koy katungod, diba? Dili naman ni pwede, ug kailangan nako mag move-on kay sayop gyud ni. Syempre mag move-on ko bisan walay angay. Tuod man, pila ka adlaw medyo ni distance ko niya ug na okay ra ang tanan. Okay na gyud ba? Or murag ni samot ra man?

Naay time nga naa kos library kay gabasa-basa. Mingaw kaayo kay ambot lang, wala man tawo. Wala sab koy kauban kay wala man gud akong friend ato nga time kay ga meeting sila sa ilang club. Nangita ko ug books nga pangwattpad pero wala man, maong nangita na lang ko ug any books na connected sa literary para dugang knowledge ba. Wala man sab mi klase for morning kay busy sab ang mga teachers maong magstay jud ko sa library na lang. Mga 30 minutes siguro ang nilabay sa dihang naay ni duol nako. Abi nakog ma kidnap nako baya, basin ang librarian ang mo kidnap laki baya to ug kami ra diri. Niya kay paghangad pa nako, dili man diay.

"Alone time?" ingon pa aning multo sakong tapad. Ni kalit ra man gud ug sulpot nga nakabantay ko naa na sa akong tungod. Mangutana pa gyud, kita ganing ako ra usa. Wala ra ni nako pansina kay syempre ga likay-likay baya ko ani niya, pero ang amaw gi bira hinuon ang bangko sakong front ug ni lingkod. Edi magkaatubang na hinuon mi.

"Dili naman kaayo ka mo tagad, Ms. Responsible." pangulit pa niya ug gi wave wave iyang kamot sakong atubangan.

"Busy ra guro ko." sulti nako nga medyo cold ug snob.

"Nabag-uhan lagi ko nimo?" tubag niya ug gi patong pa iyang duha ka kamot sa lamisa. Disturbo gyud ni tawhana.
"Gi mingaw baya ko." Dugang pa niya with matching katawa. Tinuod to o bugal-bugal?

"Manhid man ka." kalit niya nga sumpay ug daghan pa among gi istoryahan.

---

"Hoy, dai. Unsay chika?" pangutana ug kalit sa akong friend samtang ga baklay mi pauli paingon sa boarding house. 5PM naman, dugay man gyud kaayo gi abrihan sa guard ang gate. Maynalang gani kay kauban ra diay mi ni Nica, naa lang siya sa babaw samtang ako sa ubos.

"Chika ba?" pretend pa nako. Kunuhay wa ko ka gets, pero wa bitaw gyud ko ka gets. Being lutang and slow is already part of my life maong dawaton na nato.

"Ayna, ingon man gud nako si Kuya Z na snob man kuno ka? Hilom kaayo ba." sugod pa niya ug asoy.
"Unya?" syempre wala ra kuno koy pakialam pero curious na diay.

Ni hunong pa siya kadiyot ug lakaw niya ni bahakhak. Unsa na sab kaha ang gipangtabi ani ay? "Ana ko na, uy pinakauna ra baya na siya murag maldita. Maldita in looks ra to, pero pag ma close mo? Basin matakdan pa ka sa ka abnormal." ni bahakhak na sab siya. Daan pa lagi ko, gapatuyang na sab ug panabi. Mura gyud ug abnormal, naliwat gyud diay nako.

"Amaw man ka uy! Nagtabi nuon mi, pero wa man ko ka gets sa iyang gi sulti. Nasuko pa siya na magkuya ko, irritating daw paminawon. Magkuya man gani ka niya no?" sumbong pa nako.

"Basin naibog to nimo dai? Ganahan siya baby imong itawag niya siguro. Uyyy, pumapag-ibig na akong bff. Pagsure diha." sungog niya ug gi kurot ko sa kilid. Paita baya ani niya uy, kung dili manghapak kay mangurot.

"Baby ba uy, tiguwang naman to para mag baby. Seryoso, mao man bitaw na iyang gi sulti. Ni ana pa gyud siya na manhid ko. Ngano?" dugang pa nakong sulti ug ni siga iyang mata while ni hinay ug lingi sa akoa.

Ngano bitaw?

"Crush gyud ka ato." seryoso niya nga sulti pero nakita jud nako nga naa to sagol pangungog. Naabot naman mi sa boarding house maong ni dagan na siya pasaka ug ako ni sulod sa ako pud na room. Wa gyud buot bayhana.

Gi butang dayon nako ang bag sa may bangko dapit sa study table, then I turned on the electric fan kay murag gi paningot gyud kos topic ganiha. Hangtud karon nag process pa gyud ang uban niyang gi sulti.

"Manhid man ka."
"Dili ba halata?"
"You caught my attention. "
"I like you."
"Can we try?"

Buanga, nganong nadala man ko? Nganong ni tug-an ko nga naa koy feelings for him? Diba mag move-on man unta ko? I never expect nga tinuod gyud diay ilang gi sulti, "Once you fall in love, your standards will be useless." Here I am, in love with him. Pero ang pangutana kung tinuod ba gyud nga mutual mi?

---

1+1 ako'y iniwan!
2+2 ako'y naluko!
3+3 ako'y di na priority!

"Dai, okay ra ka?" gi kuhit ko ani ug gi lingi sab nako, "ha?" mao ra na akong nasulti. Kay naunsa bitaw ko?

"Okay ra ka?" usab niya nga pangutana.
"Malas man." Ambot kung sakto ba akong tubag, kay akong mata naa na man sa sunset ga tan-aw. Naa sab sakayan ni agi, nga kita kaayo nakong natungod dapit sa sun. Maypa ang sakayan ni layag gihapon, amo ani nalunod man.

Naa gali mi sa baybay ron kay nag picnic with Nica, her ate, and other friends namo. Gawain na gyud ni namo mostly during vacation. Sa June 13 pa man unta among meet para dungan sa fiesta sa among lungsod ba, niya kay na busy man sa pangumbira sila. Ako ga bebetime pa adtung panahona. Maong pagka June 18 na lang mi nakadecide, ug kay inig 19 klase na baya.

"Mura ug naa gyud kay wala gi sulti nako."
Bestfriend gyud diay mi kay dali kaayo siya makabantay man kung okay ra ko or dili. Nagtabi dayon mi, unsa pa man dugayan. Maynalang gani kay ang tulo namo ka kauban naa sa tubig ga ligo pa, murag mga bata lingaw kaayo samtang ako diri ga yaka sa sand ug ga maoy. Sakit diay mahigugma no? Gi sultian dayon nako siya sa tanan nahitabo. Gi sugod nako didtong ni sulod kos Writers' Club na pila ka days pa lang, na fall na ko sa buang. Hangtud sa selos selos era nako ug move-on. Naabot adtung sa library nga iyang pagtug-an nako, katong gi samok ko niyas sa akong pagself-love niya di diay ko kaya panagutan. Katong mga panahon na ga ngisi na ko while ka chat siya kay naa na koy good night, good morning, kaon na baby, ug ginaupdate ko niya sa tanan niyang ginabuhat. Ginahatagan pa ko niya ug snacks ug naa gyud to mga time na nagdate mi, ambot date ba gyud to or pang friends ra. Pagkafiesta ang last namong bond, ug paka June 14 ni byahe na siya paingon sa City kay adto na siya mag college. Oo, mag college na siya ug naa na sab lain ga handle sa Writers' Club. He's 2 years older than me and mo grade 12 pa ko. Ma busy na kuno siya sa iyang college life ana siya, pero okay ra baya unta. Naanad ko nga naay good morning gikan niya or any sweet messages, maong pagkabuntag sa June 18 abi nako ug good morning baby ang mo bungad pero dili man diay.

"Hi, Zaina. I think mo hunong lang usa ko, not because I don't like you anymore. It's because I'm disappointed to myself kay dili na nako mahatag nimo akong time, you knew it mag college na ko. I don't even have time para makachat sa imo. Kahibaw ko malain ka nako after this, kay gisamok tika niya mo stop. My purpose here why I stop courting you is because, I think di nako kaya nga makauyab ug layo but it doesn't mean I don't like you. Okay? Heal, without me. I know you are strong. I hope you will understand this decision of mine, and I'm really sorry. I love you and this will be the end of our communication."

Ga huot baya akong heart ga basa ato. Ing-ato ra diay? Okay na baya ta ko. 'Twas 5 years ago since the last time I opened my heart to this kind of sh!t. Nakat-on na ko ug wala niya gi panindigan. I didn't expect him to change after he went away, dalia ra gud? Naa unta niya ang 5 love languages, but now he's a red flag to me. Babaero ra sab kaayo siya uy, halos tanan babae sa club iyang gikairing-iring. Malas lang kay naapil ko. Unsa man gyud naa niya ba? Di gyud baya unta siya pasok sa akong standard. Gubot gugmaha.

"Ga maoy na man ka diha. Mao diay karon ka gapanghagad ug ligo? Edi mag-enjoy ka uy! Daghan igop diha sa daplin oh?" bisan unsaon, sulsol gyud ni bayhana.

"He stopped so easily just because he's going to be busy? Sure siya? Gwapa kaayo iyang gi sayang." ni hunong ni siya ug kadiyot nga mura ug naay gi hunahuna, "What if mo balik siya, imong dawaton?" iyang pangutana, mura gyud ug walay experience.

Unsay balikan pa? Wala man sab nagkakami, hapit ra. Sulti pa nako sa akong hunahuna. Wala bitaw gyud, kay ni hunong man siya.

"Hoy, sala gyud to nako." maygani ni angkon siya.

"Di man ninyo sala. Ako tong sala kay nganong nagpadala ko." bawion nato kay ako bitaw gyud to.

"MAG SINGLE NA KO FOREVER LAGI!" singgit nako ug nangatawa na lang mi.

Pero sakit bitaw uy!

"Donya! Bangon na diha kay udto na. Manglaba pa baya ka didto sa sapa!" Syagit ni mader while ga pisik-pisik ug tubig sakong nawong gikan sa kabo nga caltex niyang dala. Baho raba kaayo, murag hinugas gyud tos plato kay nanimaho man ug buwad. Ni bangon sab ko ug dali-dali niya gi check ang orasan. Udto na gyud nuon kay 6 am naman. Gi hipos dayon nako ang banig, habol, ug unlan niya nanaug na aron manghilam-os. Paghikap nako sa akong mata kay basa man? Dili man ni tungod sa gi pisik ni mama ug labaw na dili sab ni muta. Naghilak gyud diay ko? Damgo ra man to tanan diba? Naa gud ko ari sa bukid ug mo college na gani ko inig abli. Aysa ra gud, lagi damgo ra to kay nadamguhan ra man nako ang past. Bitaw, unta damgo ra sa? Kay sakit pa man diay gihapon ang tanan, pero mas sakit gyud siguro kung nagkakami. Malasa.

end.

~~~

-plagiarism is a crime-
-open for criticisms-

Thank you so much for reading! ^^
@berde