PASPAS nga milabay ang adlaw og sa wa damha mag-duha ka semana nako sa Davao.

Og kinsa ba ang modahum nga sa gamayng panahon, nagkasuod dayun mi ni Nickolo.

Atung Lunes, giuban ko ni Nick sa ilahang batch reunion kong diin naila-ila nako iyang mga suod na amego. Gipaila-ila sab ko niya kay Criza nga pagkakita palang sa akoa kauban si Nick nakita na dayun nako sa iyang mga mata nga nagselos siya nako.

Daghan nakog na-experience nga himuon diri sa Davao sa sulod sa duha ka semana. Magtanom og mais, magtabang og paanak sa baboy. Og ganina, mag harvest og mangga nga mao karun ang gideliver nila Nickolo sa siyudad.

Mga butang nga mas nagpalambo sa akong kagustuhan nga mahangyu akong ginikanan nga ako nalang ang magdumala diria.

Pero unsaon ang inyong mga Hotels sa Cebu, aber?

Napapiyong ko sa tingog nga supak sa akong utok.

Ugh! How I wish naa nalang koy igsoon. Paniguradong dili nako makig-ilog sa iyaha pa. Diretso nako nga moboluntaryo sa pagdumala sa Davao Farm, og siya na sa mga Hotel namo. Hays.

Napabuga ko og ginhawa dayun hipos sa libro nga ako pang gituyo og palit sa syudad gahapong adlawa. Kauban nako si Nick sa pagpalit niini. Nakuratan pa siya sa pagpalit nako niini pero ako lang siyang gingisihan.

Oh Nickolo Lopez, I am reading romantic books too!

Pagbarog nako gikan sa akong gilingkuran, nakita nako si Nickolo nga nitabang sa pagdiskarga sa mga basket na gisudlan sa mga hinarvest na mga mangga. Maopay pagkaabot nila gikan sa centro gikan sa pagdeliver.

Mihangad kini sa veranda og dayun nga nagtagbo among mga mata. Mingisi kini nako og gibawsan nako og kaway ayha mingisi.

Misenyas kini og hulat ayha miabri sa purtahan sa delivery truck. Nakatawa ko pagkakita sa tulo ka buok nga dagkong mangga nga iyang gipakita.

"Nagbilin ko og tulo kabuok. Dali kay panitan ko ni para makaon na nimo." Syagit niya nga ingun nga gikatawa nako sabay panglingo.

"Maligo usa ko, monaog ko dayun pagkahuman." Tubag nako mga iyang gikatando. Misenyas nako mga mosulod sa kwarto og dali-dali nga naghubo bago misulod sa banyo.

Midugay lang ko og bente minutos sa pag-ayos sa akong sarili. Suot ang itom na leggings, white shirt, og tsinelas, minaog ko sa hagdanan og didtoa nakita nako si Nick naglingkod sa sala. Mibarog siya pagkakita sakoa samtang gangisi.

"Hi," bati niya nako dayun giabot akong kamot ayha kini gihalokan nga akong gikangisi.

"Hi,"

Mas nidako iyang ngisi tung makanaog nako sa hagdanan og halos maulaw ang hangin nga moagi sa among tunga tungod sa kaduol namo sa usa'g usa.

"Happy Birthday," hunghong nakong sulti niya samtang nagtinutokay mi sa mata.

"Salamat, Kat. Tara?" Mitando ko og sabay mi nigawas padulong asa iyang cabin.

Misaad siya nako nga iya kong isuroy sa iyang cabin pag-abot sa iyang adlawng natawhan, og karun tung adlawa. Si Nana Dolores mikatawa lang pagkakita sa amoa nga nag-gunitay og kamot pagawas sa balay.

Gibati ko og kilig pagkabati sa kamot ni Nick nga gihawiran ang akoa. HHWW. Holding hands while walking. Termino nga ginagamit sa akong amega nga si Irish pag iya kong istoryahan bahin sa iyang relasyon sa iyang uyab nga si Michael.

Og bisan pa nga wala ko kabalo kung unsa ang among lebel sa relasyon karun ni Nick, malipayon gihapon ko kay walay adlaw o oras nga gipabati niya sa akoa nga dili ko enough.

Nahinumdoman pa nako iyang sulti nako atung sabado nga mao ni ang unang beses nga nakabati siya og excitement sa usa ka babae, nga akong gikataw-an og maayu kay dili ko motoo.

"Thirty two naka karung adlawa diba?" Pangutana nako niya samtang naglakaw mi padulong sa cabin niya. Mingisi usa siya nako ayha mitando.

"Oo, tigulang na. Lagpas na sa kalendaryo," sabay katawa niya nga ingun. "Pwede na..." sumpay niya nga gikalibog nako.

"Ha? Unsay pwede na?" Sulti nako pero wala niya tubaga. "Nick! Unsa ba?"

Mikatawa siya ayha gibuhian akong kamot para abrihan ang purtahan sa cabin. Natuyok nako akong mata sa palibot. Hmm, walay katag og hapsay ang pagka-arrange sa mga bulak.

"Sulod na," sulti niya nga dali nakong gisunod. Aksyon nako nga isirado ang purtahan pero dali ko niya nga gipugngan. "Abrihi lang, Kat."

"Ha? Ngano? Ehh basin naay mosulod nga lamok."

Mikatawa ra siya sa akong giingun dayun gihawiran nako sa kamot og gipalingkod sa iyang sofa.

"Ayaw na, basin niya og matingala si Nana ngano nagsirado ta. Dili pako ready for mature role, Kat," gisabayan niyag katawa iyang ulahi nga giingun. Namula akong aping sa nadungog og dali nga gilingi ang ulo para dili ko niya makita.

Gosh!

Ang iyang cabin kay limpyo og dako og space. Daghan siyag naka display nga mga picture frames sa sala, og didtu nakita nako iyang hulagway sauna.

"Ikaw ni?" Nakangisi nakong ingun samtang ginahawiran ang gamay nga frame.

"Ahh, Oo. Katung naa pako ana sa States. Graduation nako sa College." Tubag niya samtang gina plastar sa lamesa ang mga pagkaon. I try to help hin pero niingun siya nga siya nay bahala.

"Wow ha, States jud nag College. Sa unsa nga kurso?"

"Hmm Business, major marketing."

Napa-wow ko sa nadungog. "Pero ngano wala ka nagwork sa office?"

"Ahh... dili nako gusto maglingkod lang sa bugnaw nga opisina. Mas gusto nako ang magtanum, or magtrabaho sa unsay nakasanayan na nako."

Mitando-tando ko. Sabagay Lahi-lahi man ang tao og gusto.

"Summa cum laude? Wow!"

Namula si Nick pagkaingun nako ato. Grabe!

"Chamba rana, Kat. Hehe. Tara na, mag snack sa ta."

Nakatawa ko sa nadungog. Chamba? Geez.

Milingkod nako sa plastic chair og dayun ningisi pagkakita sa mga pagkaon nga anaa sa lamesa. Mga paborito nako!

Miigham si Nick nga gikakuha sa akong atensyon. "Nagustuhan nimo, Kat?" Dayun ko nga mitando sa iyang giingun nga iyang gikangisi og dako. "Let's eat."

Nabalot mi og hilom nga palibot pagkasugod namo og kaon. Daghan kaayo og pagkaon ang naa sa lamesa—pizza, takoyaki, sisig, og syempre dili mawala ang mangga. Naa puy milktea nga gituyo pa og palit ni Nick sa sentro.

Halos diko gakinhawa sa kabusog. Sabay pami nga nakatawa ni Nick pagkakita sa mga empty boxes sa mga pagkaon.

"Grabe, nahurot natu tung duha?" Nagkatawa nako nga ingun samtang ginasulod na sa basurahan ang basura. Nakatawa si Nick sabay kibit balikat.

"Wala kasukol ang pagkaon sa atua, Kat, hahaha. Well, ugma kailangan natu mag jog para mag reduce og fats," sumpay niya nga nakapakatawa nako.

"Hahaha sigurado ka ana? Sige! Ugma alas singko sa buntag mag jogging ta. Tuyokon natu gikan maisan hantud sa farm."

Mitando tando si Nick dayun gihikot ang trash bag ayha ni gidala sa likod nga bahin sa iyang cabin.

Naghugas ko og kamot samtang nagligo si Nick sa iyang kwarto. Nakurat ko sa kalit na pagtingog sa akong aparato. Napangisi ko pagkakita sa mitawag.

Irish calling...

"Yes, Beshy?" Sulti nako pagkatubag.

"Well well well... Nadungog nako kay Dom nga anaa ka sa Davao karun?"

Nakatawa ko sa ingun sa akong nag-inusarang amega, "Rish! Nindot kaayu diria. You should be here, 'day!"

"Hmm bati nako imong kalipay samtang gasaysay ka, 'day Katrina. And... hahaha dungog nako kay Dom nga naa kay pogi nga kauban dira?"

Namula akong aping sa nadungog, gosh! Nganong nakalimot ko mga suod nga magamigo sab si Irish og Kuya Dom! Ugh!

"Well, Katrina Del Claro? Care to tell me what is going on now sa inyung duha?"

Napatan-aw ko sa siradong purtahan sa kwarto ni Nick sa hadlok nga nadungog niya ang giingun ni Irish. Napabuga ko og hangin ayha milakaw pagawas. "Gosh, besh! Unsay gina ingun nimo diraa?" Halos manga-nga nako mga ingun nga gikatawa niini sa pikas linya.

"Hahahaha! Oh Katrina Del Claro, you are not good at lying my dear! Og Kabalo ka? Kung ako para nimo, 'day, og manguyab ni nimo, sugta na dayun!" Sulsol pa nga ingun niini nga gikakusmod nako.

"Katrina?"

"H-ha? Ah haha, sorry day, ibaba na nako ang tawag, bye!" Paspas nako nga ingun dayun gipalong ang tawag. Napahawid ko sa akong dughan kay kalit kini nga midagundong og paspas.

"Naay problema?" Napaambak ko sa kakurat pagtingog ni Nickolo sa akong tingug. Nasiga akong mata sa kakulba nga basin nadungog niini ang giingun sa akong amega.

"N-Nick! Ahh g-ganina paka dira?" Nakun-ot iyang gwapong nawng sa akong pangutana.

"Okay raka, Kat? Namula ka, naa kay gibati?" Guol nga ingun niini. Napahawid ko sa akong aping og nabati nga nanginit kini. Gosh, Irish! Look what you did to me!

"A-ahh hehe, okay rako, Nick. Ahm nagtawag lang si, si John! Oo si John, hehe. Mouli nako, bye!" Napapiyong ko dayun hugot og lalom nga hininga samtang nagdali-dali ko og lakaw pauli sa balay. Nakatawa ko gamay kay nganong John ang akong nasulti nga imbes Irish? Hays kasamok!

KUN-OT ang adtang nga gitan-aw nako ang palayo na bulto ni Katrina. John, nisulti siya og pangalan sa lalaki. Nga mao ang nanawag matud niini.

Kinsa si John sa kinabuhi ni Katrina? Og nganong namula ang aping niini?

Napapiyong ko nga miginhawa og lalom. Oh Nickolo, morag sipyat ta sa pagdahom nga watay kailog kay Katrina...

Tss.. I bet mas guwapo pa ko atong tawhana. Tsk!

Imbes na mainit ang ulo sa sige og huna-huna kung kinsa tung ponsho pilato nga giingun ni Katrina nga mitawag, nibalik ko sa kwarto og gikuha ang laptop.

Kailangan ma divert ang atensyon ni Katrina sa laing butang!

Hmm... unsa kaya og dalaon nako siya sa Samal Island? I smirked with the thaught. Nahinumdoman nako ang giingun ni Tito Luis nga mahilig ang dalaga og dagat.

Dala ang determinasyong makauban ang dalaga sa paglangyaw sa lugar diin makita ang manindot nga mga dagat, niadtu ko sa balay sa mga Del Claro para maistorya si Katrina.

"Nana, maayung hapon," nakangisi nakong ingun sa caretaker sa balay nga busy sa pagandam og maluto para sa panihapon.

Mingisi kini nako ayha mipadayun sa paglihok, "Oh Nick, maayu kay nianhi ka. Natingala ko kay Katrina pagkauli ganina kay morag namula ang nawung. Nakakon siya og dili maayu para sa iyang lawas? Wala ko kabalo kung naa ba siyay allergy." Guol nga ingun niini.

Mibuga ko og hangin. "Asa siya karun, Nana? pwede nako siya adtuon?"

"Naa sa taas, sakai nalang palihog, total mag-amego man mo, 'Nak. Makita nimo dayun ang iyang kwarto pagsaka. Naay pangalan nakabutang sa purtahan."

Mitando ko og hinay hinay nga mitikang padulong sa hagdanan pasaka sa ikaduhang palapag. Nag-alanganin man, dala na pud sa kaguol nga naunsa ang dalaga, misaka ko og nakita nako dayung nakita ang kwarto nga giingun ni Nana.

Dagko ang mga tikang nga giduol nako ang purtahan og gituktok kini samtang ginatawag nako ang dalaga. Walay mitubag gikan sa sulod maong nanuktok ko og balik.

Nakun-ot akong adtang pagkalabay sa minuto nga wa kini abrihi. Maong walay mahimo nga giabrihan nako ang purtahan nga nakuratan pako kay wala kini naka-lock.

"Katrina?" Tawag nako sa dalaga, nakalili ang ulo sa gamayng siwang. Nakita nako dayun ang higdaanan og walay tao nga nakahigda. "Kat? Si Nick ni. Asa ka?"

Dayun nga nadungog nako ang pag-abri sa usa ka purtahan nga mao ang sa banyo og didto migawas si Katrina, nakaroba. Misiga ang iyang mata pagkakita sa akoa.

"N-Nick!"

I sighed and looked away, "Sorry, gitagaan ko ni Nana og permiso nga anhion naka kay naguol siya nimo. Naa kay ginabati? Namula daw imong nawung ganina pag-uli nimo matud niya. Are you allergic?"

"Ha? A-ahh no, I mean, wala koy allergy, Nick. W-wala ko kabalo nga namula akong nawung ganina."

Mitando ko samtang gatalikod gihapon sa iyaha. "Okay, Kat. Sultian nako si Nana. Monaog nako," dayun na nako gibira ang doorknob para masira ang purtahan, pero nahunong ko pagtawag ni Katrina sa akoa.

"Yes, Kat?"

"A-ahh, ahm, mouli naka?"

"Hm? Oo? Why?"

Mibuga og hangin si Katrina og mitutok nako. "Pwede ta moadtu ugma og beach?" Nasiga akong mata sa nadungog. "Ahm, gusto lang nako molaag kauban ka."

Tama akong nadungog diba? Diba?

Nakanganga ko nga natulala sa giingun ni Katrina. Oh God! Kapaspas ba nimo dunggon akong hangyu?

Mingisi ko niya sabay tando, "Sure, Kat. Walay problema, iandam imong dal-unon. Sunduon tika og alas otso sa buntag." Sabay kindat nako nga ingun og gisara na ang purtahan. Nakangisi ko nga minaog sa silong og dayun nga giingun kay Nana nga okay ra si Katrina, og naa mi plano nga maglaag ugma.

This is it pansit!