HAPON na migawas si Nickolo sa iyang cabin nga nahimutang lang sa likod na bahin sa among balay, matud ni Alicia.

Pero... wako niya pansina, og mora'g gapalayu siya sa akoa. Natingala na si Nana Dolores kay ngano wala daw kuno ko niya gina istorya, nga excited pa gani daw siya sa akoang pag-abot. Namula akong aping sa ingun ni Nana. Pero nabayluan og kasakit sa dughan nga wala nako nabati sukad sa usa ka lalaki.

Gosh! Bag-o lang gani ko na broken hearted, niya naa napud ni? Ugh!

Nabalik ko sa wisyo tung mitingog akong selpon para sa usa ka mensahe gikan kay Papa.

From: Papsi

Hello anak, sultian lang diay tika nga pag naa kay plano molaag or mag-adtu sa Mall para mag shopping, ubanan ka ni Nickolo. Nakaistorya na nako si Nick ganina bahin ani. Siya imong mamahimong bodyguard/ tour guide sa tibuok panahon nga anaa ka diraa. Kana lang anak, palangga ka namo ni Mama.

Napatarung ko og lingkod sa akong nabasa. U-unsa? bodyguard?

Ugh! Well, nganong natingala paman ko? Knowing Papa... hays.

"Okay lang ka, anak?" Pukaw ni Nana sa akoa.

Mitando ko niya sabay ngisi gamay, "Opo, Nana."

Mibawus lang si Nana og ngisi nako ayha miangat og tan-aw. "Oh Nick, pagtimo na diari samtang init paning arrozcaldo." Nanggahi ko sa lingkuranan pagkabalo nga naa si Nick sa akong likod.

Miigham kini bago miistorya, "Okay lang ko Nana. Nagkaon nako sa akong cabin."

"Mao ba? Oh sige. Ubana nalang sa si Mam Katrina diri magkaon kay moadtu nako sa kusina para mag-andam sa akong lutuon panihapon." Paspas nga ingun ni Nana dayun lakaw padung kusina.

Dayun mihilom ang palibot pagkahawa ni Nana. Halos dili na nako matulon og tarung ang arrozcaldo knowing nga kami nalang duha ni Nickolo sa dining area.

Kalit ko nga mibarog sa lingkuranan para adtuon si Nana tung kalit nga mitingog ang isa. "Asa ka moadtu? Wala pa nahurot imong pagkaon." Sulti niya ayha mibarog paduol sa akoa.

Gihawiran ko niya sa abaga dayun gipalingkod og balik. "Sit. Finish your food." Kalmado niya nga ingun.

"B-busog nako." Ingun nako dayun miaksyon og tindog balik pero dali ko niya gipugngan.

"Katrina. Daghan tao karun ang walay makaon, pero ikaw...," mihunong siyag istorya dayun ginhawa og lalom. "Hutda sa imong pagkaon, dayun moadtu ta sa kung asa nimo gusto."

I sighed and looked up to him, pero miyuko ko dayun kay duol kay iyang nawung sa akoa.

Miigham siya dayun lakaw palayo sa akoa. "Sige na, moadtu sa ko sa cabin." Sulti niya samtang naglakaw pagawas. "Pagbalik nako dapat nahuman naka og kaon." Ulahing ingun pa niya nga akong gikalagot. Like kinsa siya para manduan ko!? Anak ko sa tag-iya aning balay!

Katrina, kalma.

Napabuga ko og hangin dayun hawid sa akong kutsara. Hinay-hinay nga gikaon nako ang nabilin nga arrozcaldo hantod sa kini mahurot. Miinom ko og tubig ayha mibarog og gibutang sa lababo ang kinan-an.

"Maayo kay humana naka," nakuratan ko sa kalit na pagtingog ni Nickolo sa akong likod.

Tabis nako siya nga gilingi, "Puwede ba ayaw ko og pakurati? Ugh!" Sulti nako dayun lakaw palayo niya. Pero wala paman ko nakalayo kaayo, napugngan nako niya sa kamot.

"Asa ka moadtu?" Kun-ot ang adtang niya nga ingun nga mora'g nalibog pa ngano ing-atu akong giasta.

Nipalag ko og gibira akong bukton pero hugot kini niya nga gihawiran. "Unsa ba!? Buy-i ko, Nick!"

Mibuga siya og hangin dayun mipiyong nga mora og ginapakalma ang sarili ayha ko hinay hinay nga gibira paduol niya. Iya ko gitutukan sa mata. "Naa... kay problema?" Hunghong niya nga ingun ayha giwalis sa akong nawung ang buhok nga mitabon sa akong mata. "Init kaayu ka og ulo nako, Katrina. Dika... kumportable kauban ko? Hmm?"

Nakapamitok ko sa kagaan sa iyang tingog. Napansin sab nako nga mas napaduol ko pag-ayo sa iyaha. Duol sa iyang dughan.

"L-let g-go of me," I stuttered when I feel his warm hands resting on my waist. "Nick."

Mibuga siya og hangin pero wala ko buhia. Imbes, mipiyong siya og gipatung iyang adtang sa akoa. "Shh... kalma. Sundon nako imong gusto karun nga buhian tika. Pero ayaw ko igna nga mopalayo sa imoha, Katrina. Ayaw ko og pangutan-a ngano, just... don't." Sulti niya sa hinay nga tingog.

Nakapamitok ko og pila ka beses. Oh goodness, the reason why I'm here is para mag move-on, og dili para magka— ugh!

Miigham siya dayun hinay nga miatras, og mitutok sa akong mata, "Unsay gusto nimo buhaton karun? Hmm?"

Miduko ko para iwasan iyang tan-aw nako nga mora'g manusok. I swallowed hard, "G-gusto nako magpundo lang sa karon sa kuwarto," kay para mapahinumdoman nako akong sarili nga broken hearted ko! "... O-og, ahh, gusto nako magpahulay usa. B-basin, uhm, ugma nako or sunod adlaw molakaw sa siyudad." Tubag nako, samtang nagduko.

"Okay, Kat. Maayo na para makarelax ka gikan sa kapoy na biyahe." Sulti niya. Mitando lang ko dayun walay pananghid nga milakaw na palayo niya.

I SIGHED samtang ginatan-aw nako palayo iyang bulto. Pasaka sa ikaduhang palapag kung diin asa ang mga kwarto nahimutang. Siguro kapoy lang siya kaayo sa biyahe maong init kaayu iyang ulo sa akoa.

Mingisi ko dayun miadtu sa maisan para sorbesahan ang tao nga nag harvest. Ga kanta-kanta ko nagbaktas paadtu sa lugar tung kalit lang na mitingug akong selpon. Nahunong ko sa akong tikang pagkakita nga si Don Luis ang mitawag.

"Nickolo, kamusta?"

Mingisi ko ayha mitubag, "Okay lang, Tito. Kamo po ni Tita Katherine pud kamusta?"

Dungog nako ang paghugot ni Tito og lalom nga ginhawa sa pikas linya. "Nick, m-my wife. She's... She's in coma." Mora og bomba nga mibuto sa akong atubangan ang gisulti ni Tito Luis. Nagahi ko sa akong gitindugan nga mora og sa estatwa.

"T-tito," tawag nako niini, unable to say any words.

Tito sighed, "Palihog ayaw sa sultii si Katrina bahin ani, Nick. I'm afraid nga moanhi siya dayun karun diri sa Japan pag makabalo siya sa nahitabo sa iyang Mama."

"P-pero Tito."

"Nick, obserbahan pa sa mga doktor si Tita nimo. Basin... basin sunod mga semana ma-okay na siya." Pampalubag loob nga ingun niini. Napahilot ko sa akong sentido ayha mibuga og hangin.

"Paningkamutan nako, Tito, nga malingaw si Kat diri sa Davao. Naguol ko nga makabalo siya unsa mang orasa karun."

"Ako nay bahala hijo. Just... take good care of our princess, hmm?"

Mitando ko dayun mitubag, "Opo, Tito. Kana lang ang akong mai-promise sa inyu ni Tita."

Tito Luis take a deep breath from the other line, "Oh hijo, salamat kaayo. Anyway, Motawag ko og balik nimo. Bye." Sulti niini nga dayun gipalong ang tawag nga wala na gihulat pa akong tubag.

Nagpadayun ko og lakaw padulong sa maisan hantod sa makaabot ko sa mga trabahante nga busy kaayo sa pagasikaso sa mga naharvest.

"Kumusta Nong Danny?" Pangutana nako sa pinakadugay nga tao sa maisan.

"Aw maayo kaayo atung produkto karun, Nickolo. Sayo sa buntag ugma ibiyahe na kini padulong sa atong suki." Nakangisi nga tubag niini. Mitando lang ko niya dayun tapik sa iyang abaga ayha gisuroy ang mata sa palibot.

Sa unahang bahin sa maisan makita ang dagkong punoan sa mangga, lubi, og ang farm.

"Ahh Nickolo, hijo." Pagtawag sa akoa ni Nong Danny.

"Oh Nong, naa tay problema?" Sulti nako dayun lantaw sa produkto. Wala kini mitingog maong mitan-aw ko niya pero ang mata niini naa sa akong likod. Nakun-ot akong adtang dayun gitan-aw ang iyang ginalantaw.

Natulala ko sa nakita. Suot ang simpleng bestida, si Katrina naglakaw padulong sa lugar diin asa ko.

Nakangisi kini nga mikaway sa mga tao dayun mas niduol nako. Nakuratan ko kay abi nako og matulog siya.

"K-kat," sulti nako sa iyang ngalan pero mingisi lang kini dayun gilabyan ko para makig istorya sa mga trabahante.

"Hahaha, kamo gyud... nagdako sab ko nga nagkalot og yuta Angkol Bert. Si Papa Luis perti kaayu. Maayo nalang kay wala ko niya gipugos nga mokuha og kursong agrikultura sa kolehiyo, kay na! Basin karun nagligo nako og lapok," nagkatawa nga sulti niini.

"Pero karun inday, unsa may trabaho nimo?"

"Ahh ako na ang acting CEO sa kompanya namo sa Cebu. Five stars Hotels ang ginapamalaan nako Angkol."

"Wow, nindot nga trabaho."

"Pero Angkol, naa gihapon sa akong kasing kasing ang magkalot og yuta dayun magtanom. Kapoy man gud ang magsige lang og lingkod tibuok adlaw." Bibo nga saysay niini.

"Mao ba? Og gusto ka, sa sunod semana magtanom mi og bag-ong liso sa mga mais."

Misiga ang mata ni Katrina ayha mitando. "Sige po! Ganahan ko ana."

Miigham ko para kuhaon iyang atensyon, "Abi nako og usa ka semana lang ka diria sa Davao?"

Mingisi siya ayha mikibit balikat. "Mitawag si Kuya Dominic nako og giignan ko nga puwede ko mag stay diri bisan pila ka bulan pa." Ingun niya. Gilikay nako akong mata niya pagkahinumdom sa sulti ni Tito Luis sa akoa ganina.

Nahadlok ko nga makabalo siya sa tinuod nga rason. Though morag nakabalo na si Dominic sa hinungdan maong kini na ang mitawag sa babae.

Gibalik nako akong mata sa iya og napangisi ko nga naay kaguol pagkakita sa iyang malipayon nga dagway.

PAGKASULOD nako sa kuwarto nga giandam ni Nana Dolores para sa pag-stay nako diria kay sakto nga mitingog akong selpon. Nakuratan ko kay si Kuya Dominic ang mitawag, which is unusual, kay dili siya ang tipo sa tao nga hilig sa tawag.

"Hello, Kuya,"

"Hey sweetie, kumusta naka diraa? Enjoying?"

Napangisi ko sa pangutana ni Kuya, "Ahm, Yes?" Kunwari dili nako sigurado nga tubag dayun katawa. "Binuang lang, of course! Nag-enjoy ko diria, Kuya. Nindot ang lugar nga gikahimutangan sa vacation house nila Mama og Papa." Dungog nako ang pag-igham ni Kuya sa pikas linya paghisgot nako ila Mama og Papa.

"Ahh m-maayo kay nalingaw ka sa imong pag-adto diraa. K-kung gusto ka, mag extend paka bisag pila ka bulan. Way problema sa akoa, sweetie." Nakun-ot akong adtang sa iyang giingun.

"Tuod ka? Abi nako busy ka sa imong business pud?"

"Kaya ra ni nako sweetie. Og kahibaw ko nga gusto nimo mag move-on tungod sa nahitabo sa inyo ni Jarred. Sweetie, deserve sab ni nimo nga break, pagka-gradwar nimo sa kolehiyo, sampa dayun ka sa work. So, take this opportunity samtang dili pako busy, hmm?"

"Aww ka sweet sa akong Kuya uyy. Bantay ha, og sure nagyud ka ana imong ingun, sige. And yes, siguro. Need nako ni nga break. Salamat, Kuya Dom."

"Ohh welcome, sweetie. Undang na og huna-huna atong Jarred, he don't deserve you. Pagenjoy diraa, okay? Ibaba na nako ang tawag, amping diraa kanunay, bye!"

"Okay, Kuya! Salamat og usab, bye!"

Pagkahuman sa tawag kay kulang nalang moambak ambak ko sa kalipay.

Maong imbes nga matulog, midesisyon dayun ko nga moadtu padulong sa maisan. Nagsuot lang ko og simple nga bestida nga gipadala ni Manang Dina sa akoa.

Halos matulala ko sa kanindot sa palibot. Daghang klase sa punoan nga nagabunga ang akong nakita. Pero wala sa mga ani ang akong gustong makita.

Nickolo Lopez!

Nasiga akong mata sa naisip. Gosh! Abi ba og mag move-on!? Hays. Nakatawa nalang ko og hinay sa akong sarili. Nagkagusto ko og lalaki sauna, pero wala naabot sa punto nga kawilihan ko ni og gusto makita permi.

Bisan kay Jarred before, my ex boyfriend, wala ko nakabati og excitement pag imbitahan ko niya nga mag-date ming duha.

Siguro tungod kay ang among relasyon kay wala nahibaw-i sa akong parents... sa kahadlok nga masuko si Papa.

Hmm... maybe? Maybe not?

"Kalmahan nato self, hmm? Unang higayon natu ni nga ma-excite nga makita ang usa ka tao na bag-o ra nato nakaila." Pakig-istorya nako sa akong sarili.

Pagkakita nako sa iya sa maisan, kay nakita nako nga natulala siya pagkakita sa akoa.

Ahuh! Unsay rason para matulala ka Nickolo? Gigwapahan ka nako?

Mas nidako akong ngisi sa nahuna-hunaan. Maong bibo nako nga gikaway sa mga tauhan akong kamot. Ningisi lang ko niya usab ayha siya gilabyan para makighimamat sa mga trabahador.

Nalingaw kaayu ko og pakig istorya nila, labi na kay kita nako nga interesado gyud sila og nalingaw sila sa ilang trabaho diri sa maisan.

Hmm... unsa kaya og hangyuon nako si Papa nga ako na ang mamuno diria?

Sa akong nahuna hunaan. Basin mas matagaan nako og kalipay sila Mama og Papa? Hmm.

Mingisi ko sa akong kaugalingon. Magpabilin ko nga prinsesa sa akong ginikanan... a promdi princess.