MIGINHAWA ko og lalom pagkalapag sa eroplanong akong gisakyan. This is it.

"Welcome to Davao, Ma'am!" Dako ang ngisi nga sulti sa stewardess samtang panaog ko sa hagdanan. Mingisi lang ko niya sabay tando.

Nagbaktas nako pagawas sa airport samtang ginasend ila Papa ang mensahe nga naabot nako sa Davao. Nireply lang si Papa og 'wait'.

Maong samtang gahulat sa tawag niya, nilingkod lang usa ko sa arrival area. Ginatan-aw ang mga tao nga excited mosugat sa ilang kapamilya nga mipauli gikan man sa abroad o sa layong parte man sa Pilipinas. Ang uban naa pay plakard og gisulat didtua ang mga pulong nga nagapahayag sa ilang paghigugma sa kapamilya.

Mitingog akong selpon para sa usa ka mensahe gikan sa usa ka dili rehistrado nga numero. Nakun-ot akong adtang... kinsa ni?

Walay pagduha-duha ko ni nga giabrihan bisan wala kini sa akong bokabularyo. Wala lang, pampawala sa kalaay.

From: 09123456789

Hello, Miss Katrina. Welcome to Davao!
Naghulat nako nimo diri sa arrival area. Ako ang magsundo nimo pauli sa inyong family vacation house. Nakasandig sa itom na Ford ranger.
-N.

N? Oh god! Imbes na reply'yan ang mensahe, gitawagan nako si Papa.

"Princess?" Tubag sa pikas linya nga tingog ni Mama.

"Ma, naay nagtext sa akoa karun nga naghulat siya nako gawas sa arrival area, wala siya mosulti sa iyang ngalan, 'Ma. N lang ang iyang gibutang sa text." Taas nako mga litanya og wako kabalo ngano nikatawa ra si Mama.

"Ma," ungot nako paglabay sa minuto nga nagsige pa kini og katawa.

"Oh anak sorry, hahaha, pasayloa si Mama. Nahimuot lang ko." Sulti niini nga gikairap nako.

"Kinsa ni 'Ma? Kaila ka ani?"

"Yes, anak. Si N ang giingun ni Papa nimo nga mosundo sa imoha pahatud sa atong vacation house. Naghulat na siya nimo sa arrival area. Go ahead, anak. Basin nabulad nato sa init didtua." Guol na ingun ni Mama nga gikasiga sa akong mata.

"A-ahh shoot! Sige Mama. Tawagan tika pag makaabot nami sa balay, hmm? Talk you later. Send my hugs to Papa." Paspas nako nga ingun ayha gipalong ang selpon og gisulod kini sa akong bitbit na hand carry bag.

Pagkagawas nako sa arrival area, gilibot nako akong mata para pangitaon ang kining si N nga mosundo sa akoa. Og sa unahang bahin sa lugar nakita nako ang usa ka lalaki nga nakasuot og maong pants, polo shirt na puti, og white sneakers. Nakasandig sa itom na sakyanan.

Nasiga akong mata sa nakita. Unsa? Lalaki si N?

Napapiyong ko sa akong mata dayun miginhawa og lalom. What is it this time, Papa?

Mitikang ko paduol atung tawhana og mihunong lang pila ka pulgada, "N...?" Alanganing sulti nako nga gikaangat niini sa iyang ulo. Nagtagpo ang among mga mata og panigurado parehas mi karun nga nasiga ang mga mata sa kakurat.

Pagkapogi aning tawhana. Tanned skin og naay maayo nga postura. Tangkad, taas og ilong, og ang lips... gosh, pula kaayo.

Miigham kini og kusog nga nagpabalik sa akoa sa huwisyo. Alanganin kini nga mingisi sabay kalot sa ulo.

"A-ahh, Kat- ay este Miss Katrina," nakun-ot akong adtang pagkadungog sa iyang pagbati sa akoa. Gi emphasize pa ang word nga Miss.

"Kinsa ka? I mean, N? Unsa imong pangalan?" Nakataas akong kilay nga sulti niini.

Mingisi kini sabay panglingo nga gikasurok sa akong dugo, "Ngano Miss Katrina? Nakyuryos ka sa akong tinuod nga ngalan?"

"What? Oh goodness, mianhi ko og Davao para magrelax Mister-N whatever. Pwede? Ayaw kog soposopohi?"

"Ohh, ahh hahaha, sorry Miss. Nangutana raman ko. Sige na sakay na, samtang ga biyahe nata mag chika-chika." Morag sungog pa niya nga sulti nako nga gikalagot nakog samot.

Giirapan ra nako siya og padabog nga misakay sa front seat. Gipasagdaan lang nako nga siya ang mosulod sa akong maleta sa sakyanan kay init na gani ang panahon, nasungot pako sa kalagot.

Gipalarga dayun niini ang sakyanan pagkasakay niya sa drivers seat. Ako pud gipanumbaling akong ulo sa gawas sa bintana.

Miigham kini og pila ka beses para siguro kuhaon akong atensyon, pero no! Dili nako siya tagdun kay nag-init pa akong ulo.

"Ahm Miss Katri—,"

"Puwede ba nga ayaw kog tawagi og Miss?" Saway nako niya samtang nag-atubang sa gawas.

"Ahh haha, sorry Mi- ay este ahm, K-Katrina,"

I sighed and slowly looked at him nga gikakurat niini. "What? Kaila baka sa akoa? Mister N?"

"I'm Nickolo, by the way." Buo ang boses niya nga sulti nga gikakurat nako.

Nickolo? Wow what a nice name. But huh! Dili nako siya purihon vocally, no!

"Oh naa diay kay ngalan," gwapong pangalan sama nimo. Nakatawa ko sa akong nahuna-hunaan.

"What's funny?" Pag iningles pa niini, seryoso na og tingog.

Miatubang ko niya pagkahunong namo kadali kay ning pula ang traffic light. "Wala. Abi lang nako dili nimo iingun imong pangalan." Kibit balikat nako. "Si Mama og Papa dili motug-an sa imong pangalan. Like naka huna-huna ko, unsa diay kamahal ang pangalan nimo para need pa kuno i surprise?"

"Wala ko kabalo sa rason sa imong ginikanan, Katrina," sulti niya, og nakabati ko og dili pamilyar nga kilig paghisgot niya sa akong ngalan.

"Y-yeah, a-ako pud." Morag wala sa sarili pa nga tubag nako niya. Pero wala na ko niya tubaga nga gikabalik sa akong kalagot.

Okay! Bawion na nako akong ingun. Dili gwapo iyang ngalan! Dili!

Sa akong kalagot wala na nako siya pansina og nagpa atik atik nalang ko og tulog. Bahala ka diraa tawhana!

NAPANGISI ko pagkakita sa iyang kyut nga aping. Nakatulog si Katrina samtang gabiyahe mi pauli sa ilang vacation house.

Napabuga ko og hangin pagkakita nako sa iyang hamis nga pamanit. Katrina grew up beautifully. Mas ni-mature ang feature sa iyang lawas og nawung. Iyang buhok nga itom kaayo, nabagay sa iyang kutis nga perting putia.

Tunga-tunga sa among biyahe, mitingog akong selpon para sa usa ka tawag. I answered it samtang ga drive.

"Nick?" Napapiyong ko pagkadungog sa iyang tingog. Mangulit na sab ni.

Miigham ko kadali og dalikyat na gitan-aw si Katrina bago mitubag sa caller. "O-oh Criza, napatawag man ka?" Nahinay ako tingog kay nilihok si Kat.

Criza laughed, "Nitawag lang ko para mangayo og gamayng favor sa imoha, naa tay batch reunion sa Monday diba? Pwede unta sabay ta." Sulti niya nga gikapanglingo nako.

Si Criza kay akong kababata. Sabay mi nga nagdako diri sa probinsiya sa Davao. Parehas og eskwelahan gikan elementarya hantod na sa kolehiyo, kay unsa akong kurso, mao sab iyang gikuha. Ambot ngano. Pero base sa akong madungog sauna sa akong mga barkada, naa daw siyay pagkagusto sa akoa.

"Ahh actually, Criz, nagduha duha pako nga moadtu—,"

"What? P-pero ngano?"

Ngano? Hmm... pahapyaw ko nga mitan-aw kay Katrina bago mingisi. "Naa koy importante nga pagabuhaton."

Criza sigh, "B-basin mausab pa imong desisyon, Nick. Motawag ko nimo balik ugma sa gabii. Bye."  Paspas niyang sulti dayun gipalong ang tawag.

Nikibit balikat lang ko. Anad na sa iyang batasan.

Nagfocus na ko'g balik sa pagmaneho kay mag alas nuwebe na sa buntag. Niya basin gigutom napud ni si sleeping beauty. Masumbong pata ngali ani sa iyang ginikanan. Ma bad shot pa ta aning kalakiha.

Pagkaliko nako sa kanto pasulod na sa vacation house, mitawag ko kay Nana Dolores, ang caretaker sa balay ni Tito Luis, para mapaandaman si Katrina og makaon.

Pagkahuman sa tawag, tama-tama rasab nga naa nami sa may garahe sa balay. Abtik nga miduol akong ig-agaw nga sila Alicia og Aniza para kargahon ang prinsesa— ay este, ang mga gamit sa prinsesa.

Miigham ko sabay ginhawa og lalom ayha siya giuyog para pukawon.

"A-ahh Katrina, mata na. Naabot nata." Hinay-hinay nakong ingon sabay yugyog. Pero kini, miungot lang dayun bali og pwesto, paatubang sa akoa.

Aguy...

"Hey, wake up honey," hunghong nakong ingun duol sa iyang dalunggan dayun mitutok sa iyang nawng. Hinay hinay mibuka iyang mata, og tungod sa kaduol namong duha, halos matulala ko sa kanindot sa color sa iyang mata.

"W-what—," hinay niyang sulti bago misiga ang mata sabay syagit nga akong gikakurat og maayo. "Ahhhh! Mama! Papa!"

"H-hey hey, naunsa ka? Katrina!"

"Ayaw ko og guniti! Manyakis ka! Naa kay balak halokan ko!? Daan ko pa lagi! Bastos ka, bastos!" Syagit niya nga sulti sabay hampas sa akoa sa iyang sapatos nga wala ko kabantay iya na diayng nahubo.

"H-hey! Stop! Katri— aguy! Kasakit ana. Tama na, w-wala koy balak halokan ka," baws nako samtang gina sangga iyang kamot.

"Wala, ha wala? Huh, huy! Para sultian tika, daghan ing-ana nga lalaki sa Manila nga ing-ana og istilo, maong ayaw ko uto-utoa tawhana ka! Bastos! Isumbong tika kay Papa!"

"What? Katrina, I swear! Gipukaw lang tika kay naabot nata sa balay. Pero sige, og giisip nimo nga naa koy plano nga bastuson ka, then go! Tawagi si Don Luis og pagsumbong ngadtu!" Isog nako nga balos dayun dali-dali nga minaog og padabog nga gisira ang purtahan niini. Nakurat pa ang akong duha ka ig-agaw nga nag-atang na diay duol sa auto.

"Tabangi ninyung duha og karga ang mga gamit, kamo nay bahala diraa." Sulti nako nila dayun dagko ang tikang nga miliko sa likod na bahin sa balay para modiretso sa akong gamay na cabin diin asa ko nagapuyo.

Manyakis ko? Huh! Ni wala ko sukad naka huna-huna og dautan na butang sa bisan kinsa. Tapos siya? Bahala siya.

GIBATI KO OG KAHILAKON pagkanaog ni Nickolo. Dili tungod sa akong naisip nga naa siyay plano nga bastuson ko, pero sa kusog niya nga pagsira sa purtahan nga gikakurat kaayu nako.

Nasuko siya sa akoa. Panigurado. Pero, waman ko nato tuyua. Mao lang dayun ang nisulod sa akong huna-huna pagmata nako nga duol kay among nawung. Dili lang man siguro ako ang posible nga makaisip ato diba? Babae ko, og lalaki siya! Who knows og unsay plano niya nga buhaton sa akoa?

But your parents trusted him, right?

Ginatarog nako sa akong konsensya. Kinsa diay akong pasanginlan? Normal reaction raman tu akoa... oh goodness!

A soft knock gikan sa gawas sa sakyanan ang nagpabalik sa akoa sa huwisyo. Didtoa nakita nako ang duha ka babae nga parehas og itsura. Kambal?

Gitrapuhan sa nako akong luha nga mitulo og dali nga gi plastar ang itsura ayha gi abrihan ang bintana. Mingisi ko gamay nila ayha migreet og maayung buntag.

"M-maayung buntag sab, Mam! Maayong pag-abot sa syudad sa Davao!" Bibo nila nga ingun sabay bow. Wow ka kyut, sabay pagyud kaayu.

Mismile ko nila ayha minaog sa sakyanan.

"Mam, ako si Aniza," paila-ila sa usa nga kulot ang tumoy sa buhok.

"Og ako pud si Alicia, Mam," sulti sab sa usa nga nakalugay ang natural straight na buhok.

"Hello sa inyo, Alicia og Aniza. A-ahm si N-nickolo, asa?" Sulti nako dayun gilibot ang mata.

Nagkatan-away sila sabay kalot sa ulo ayha mitubag nako. "Na Mam, isog man tu kaayug nawung si Kuya. Basin init iyang ulo hehe. Basin katogon natu, alas tres paman gud to nimata kay na excite mosundo hahaha." Sabay katawa nga sulti ni Aniza.

Alanganin nga mingisi lang ko niya dayun abre sa purtahan. "Ahm, okay. Pwede ko mamalihog sa ako gamit ipasulod sa kwarto nako? Salamat." Bibo sila nga mitando dayun kuha sa akong maleta.

Ang akong hand bag ako nay nagbitbit kay tawagan nako si Papa para sultian nga naabot nako sa vacation house.

"Ola prinsesa!" Tubag dayun ni Papa sa pikas linya. I smiled faintly.

"Pa," halos matuok ko sa akong laway pagsampit kay Papa. Katuluon akong luha kay wako ka move-on sa akong sala kay Nickolo.

"Hey, anak. Unsay problema? Naay nahitabo dili maayo?" Guol nga sulti ni Papa nga nagpasamot og saka sa akong emosyon. Og wanako kapugong, nakahilak na gyud ko.

"Papa, sorry. Pasaylua ko."

"Anak, wait. Pasabta ko, ngano? Para asa ang sorry?"

"Papa, nakasala ko. N-naa koy tao nga napasakitan."

"W-what!? Wako kasabot anak. Asa si Nickolo? Makig istorya ko niya," sulti ni Papa.

"P-pa, ahm, wala ko kabalo asa siya karun. Naabot nami diri sa balay. Ahm, matug sa ko Pa ha? Istorhiyanay ta ninyu unya ni Mama." Luya ang tingog nako nga ingun ayha gipalong dayun ang tawag.

I sighed. Basin mogawas ra tu siya unya. Mangayo lang ko og sorry. Hays.