Kabilang buhay

Mayroon ka ba?

Tunay ba ang dagatang apoy

Na sasapitin ng mga animal

Na maaring kahinatnan ko rin

Dahil may parte sa puso ko

Na naghahari ang kalaswaan

Sa isip ko na naglalaro

Ang mga kampon ng kadiliman

Tunay ba ang mapayapang harden

Lugar na kung saan walang agam-agam

May salitang kapantayan

Pag-ibig ang naghahari

Kung mayroon ma'y

Kailanma'y di ko ito pinapangarap

Na makadaupang palad

Bagamat may takot pa ako sa mga bagay-bagay

Masasabi kong mas lutang ang kasamaan mula sa akin

Isang lobong palipad sa kawalan

Dahil lama'y nakakalasong hangin

Kaya, Kabilang buhay

Mayroon ka ba?

Yung tipong pagkatapos ng lahat

Babalik kami sa panimula

Kung anong mayroon tayo ngayo'y

Mawawaglit din lahat

Kung ngayo'y tayo'y kalapati

Baka bukas tayo'y isang ahas

Kabilang buhay

Mayroon ka ba?

O kaya'y wala talaga

Dahil sa panimula pa lang ay

Nawaglit ng likhain

Babalik lang kami sa alabok

At wala na, wala na

Kabilang buhay

Mayroon ka nga ba?