Kabanata 59

Miss na Miss

"Sakit sa bangs ni Jacob. Araw-araw nung midterms sinusundan niya ako para lang malaman kung nasaan ka. Grrr..." Sabi ni Karl habang naglalakad kami papuntang classroom ng Biology 10.

Nagbulung-bulungan ang mga kaklase ko nang papalapit na kami sa classroom.

"Anong problema ng mga ito?" Tanong ni Karl sakin.

"Ewan ko. Palagi naman silang ganyan."

Pagkapasok namin sa classroom, nakita kong may isang bouquet of flowers sa desk ko.

Kinuha ko 'to at mas lalong nagbulung-bulungan ang mga kaklase ko.

"Sinong nagbigay niyan, Rosie?" Tanong ng isang kaklase ko.

Nagkibit balikat ako.

Pero nang nakita ko na ang card, nakilala ko agad yung sulat-kamay. Galing ito kay Jacob!

Jacob:

One month na lang, 1 year na tayo. I love you, Rosie. 9-23.

September 23 ang sinasabi ni Jacob na anniversary namin dahil una kaming naghalikan sa araw na yun. Ngumisi ako nang naalala ko yun pero agad kong itinigil ang pagngiti dahil nakita kong nakatitig si Callix sakin.

"HAHA! Lokong Ron! Sarap sapakin!" Narinig kong sinabi ni Teddy nang papasok na sila sa classroom.

Unang pumasok si Teddy, tapos si Leo, sinundan ni Louie, Ron at huling pumasok ang nakangiting si Jacob.

Napabuntong-hininga ang mga babae samin nang nakita si Jacob. Hanggang ngayon, hindi parin kami nag papansinan sa classroom.

Sumulyap siya sakin habang nakangisi. Tinignan niya ang flowers tapos agad tumingin sa mukha ko. Hindi ko alam kung bakit napawi ang ngiti niya at di niya na ako tinignan ulit.

Anyare?

Pagkatapos ng klase namin, naunang lumabas sina Leo at ang iba pang kabanda ni Jacob. Si Jacob naman, nagpahuli. Nag-alala tuloy ako kung anong nangyari?

"Rosie, ano? Mamaya na lang ulit. Punta tayo ng mall ah? You know na!" Sabi ni Karl at nagpaalam ng umalis.

Pupunta kami ng mall mamaya para magchill at manood ng sine. Kakatapos lang kasi ng midterms at kailangan naming mag loosen up. Konti na lang kaming natira sa classroom. Tumayo si Jacob at nilapitan ako.

"Jacob-"

Nilagay niya ang kamay niya sa chin ko at tinaas ang mukha ko. Akala ko hahalikan niya ako sa harap ng dalawang lalaking kaklase ko pero hindi pala. Lumiit yung mata niya habang tinititigan ang mga labi ko.

"Ano ba?" Sabay tanggal ko sa kamay niya.

"Nag lipstick ka ba?" Tanong niya.

What? Uminit ang pisngi ko. Napayuko ako para ayusin ang bag ko... kakahiya naman to. Ba't ba siya nagtatanong?

"Nag lipstick ka ba?" Tanong niya ulit.

"Oo. Bakit? Anong problema?" Tinaas ko ang kilay ko para magtaray.

"Bakit?"

"Huh? Kailangan ba ng dahilan para mag lipstick?" Umirap ako.

"Ibig sabihin mas nagpapaganda ka pa? Para kanino? Di mo na kailangang magpaganda ah? Inlove na naman ako sayo bakit nagpapaganda ka pa?"

Sinapak ko na!

"Ang ingay mo!" Napatingin ako sa umaalis ng kaklase ko.

Buti wala silang pakealam.

"Sino ba kasing pinapagandahan mo, ha?" Tanong niya. Galit.

"Wala! Bawal bang magpaganda kahit na para sa sarili lang?" Umirap ulit ako.

"Ganun? Bakit narinig ko kanina may date kayo ni Karl?"

Napatunganga ako sa sinabi niya. Karl na naman? Kailan ko ba masasabi sa kanya na juding si Karl?

"O sige! Makikipagdate din ako sayo mamaya! Sinong pipiliin mo?" Tanong niya sakin.

"Hay nako! Edi sumama ka samin ni Karl nang malaman mong magkaibigan lang kami."

"T-Talaga? Isasama mo ako?" Malambing niyang sinabi. Pero agad bumalik sa galit ang tono ng boses niya, "Bakit di pwedeng tayong dalawa na lang?"

"Jacob, naunang nagyaya si Karl sakin. Ikaw, nahuli... Kaya mag adjust ka. Kung sana nauna ka, edi tayo lang dalawa!"

"A-Ano? P-Pwede pala tayong mag date? A-Akala ko hindi-"

Umalis na ako habang nagmuni-muni pa siya sa kanyang sarili. Di ko talaga mapigilan ang pagngiti ko. Sheeeet! Bakit sa gitna ng kainosentihan ni Jacob, sexy parin ang tingin ko sa kanya? May problema yata ako sa pag isiip.

Nang nagpunta na kami ni Karl sa mall, tinext ko na lang si Jacob na nandun na kami. Agad naman siyang dumating.

"Shet ayan na siya! Ano? Wa'g mong kalimutan ah? Lalaki ako! Bakit ba kasi ako nandito? Sana kayo na lang. Sheeet! Gwapo niya! Pwedeng tabi kami sa sine." Siniko ko na si Karl dahil papalapit na si Jacob samin.

"Manonood kami ng sine, Jacob." Sabi ko.

Tumango siya, "Lilibre na kita." Aniya.

"Paano ako?" Tumingin si Jacob kay Karl at naweirduhan. "I mean... ilibre mo rin ako, dude!"

Halos pumutok ang mga ugat ko sa utak sa pagpipigil ng tawa.

"O sige." Sabay sulyap ni Jacob sakin.

Nagpapaimpress yata. Kahit na yung mortal enemy niya, nililibre.

Bumili siya ng ticket, pagkatapos ay bumili kami ng popcorn at iba pang pagkain, siya parin ang nagbayad.

"J.A foods diba? Yung may JA na icon? Yung sa mga junkfood at iba pang pagkain?" Bulong ni Karl sakin habang bumibili si Jacob ng popcorn.

"Oo." Sabi ko.

Natatandaan ko noon kung paano ko iniwasan ang pag kain ng mga produkto nila nung bumalik akong Maynila galing Alegria. Tapos ngayon, heto na naman kami. Naglalaro ulit sa apoy. Buti na lang talaga nandito si Karl.

Pumasok kamis a loob ng madilim na sinehan. Wala pa masyadong tao. Dalawampung minuto pa bago magsimula. Puro trailer pa lang ang meron.

Umupo kaming tatlo na ako ang nasa gitna. Nilagay agad ni Jacob ang braso niya sa likuran ko para maakbayan ako.

Nagkatinginan kami ni Karl. Ngumisi siya at nilapa ang popcorn.

"Gusto ko ng umuwi." Bulong niya ulit habang tumatawa.

Siniko ko ulit.

"Anong pinag uusapan niyo?" Tanong ng singit na si Jacob.

"Wala." Sagot ko kahit na nakangiti parin.

"Wala? Hindi niyo ako sinasali sa usapan niyo eh..." Sinimangutan niya ako.

Nagpatuloy kami sa pag-uusap ni Karl. Out of place na talaga si Jacob pero hinayaan ko na lang.

"Ehe-Ehem.. Bathroom lang ah?" Sabi ni Karl nang na-off na ang lights para magsimula na ang movie.

Hinila ko ang t-shirt niya nang tumayo siya.

"Wa'g kang umuwi ah? Wa'g mo kong tatraydorin."

Tumawa siya, "Oo! CR lang talaga."

Alam ko ang iniisip ng bading na yun. Walang hiya, ayokong matira dito kasama si Jacob.

"Ano ngayon kung umuwi na siya?" Tanong ni Jacob sakin habang hinihigpitan pa ang pagkakaakbay sakin.

"Date namin to. Dapat di siya umuwi." Sabi ko nang nakatingin sa screen.

"Pag umuwi siya, edi date na natin 'to."

Umirap ako sa kawalan habang nakatingin parin sa screen. Hindi ko maintindihan yung dialogue nung bida kasi nakatitig si Jacob sakin sa unang part ng movie.

"Anong problema mo?" Napatingin ako sa kanya.

Nakatitig parin siya sakin. Sobrang gwapop niya kahit madilim. Kitang kita mo talaga ang pagkislap ng mata niya dahil sa repleksyon ng screen.

"Asan naba yung si Karl." Sabi ko at nagsimulang tignan ang cellphone ko...

Pero na distract ako dahil sa sinabi ni Jacob...

"Rosie, pahalik naman oh."

"Huh?"

Sheeet! Di na naman niya hinintay ang go signal ko. Hinalikan niya na ako agad. Kung saan-saan pa napadpad ang kamay niya. Sobrang nalasing na naman ako sa halik niya kaya di ko siya matulak ng tuluyan.

"Uy!" Pinutol niya ang halikan namin para batiin kung sino ang nasa likuran ko. "Eto na pala si Karl, Rosie." Nakangiting sinabi ni Jacob.

Nandun nga si Karl, nakaupo na sa tabi ko. Nakatitig sa screen. Mukhang ilang sandali na siya dito sa tabi ko, nihindi ko man lang namalayan!

Umayos ako at inirapan ang nakangising si Jacob.

Ang kumag ay nagpapaselos pa yata. Hindi yan magseselos kasi langya bakla yan eh!

"Pwedeng exchange seats tayo, Rosie? Sobrang nag iinit na ako!" Bulong ni Karl sakin.

Uminit ang pisngi ko at pareho kaming natawa. Ayun na naman at balik sa tantrums si Jacob.

"Karl, ako na maghahatid kay Rosie. Ikaw naman naghatid sa kanya dito, kaya ako maghahatid sa kanya pauwi... hindi naman sa kailangan ko pa ng approval mo pero sinasabi ko lang naman para di ka mag expect." Sabi ni Jacob pagkatapos kumain at manood ng movie.

Ramdam na ramdam ko na naman ang ugat sa ulo ko na parang sasabog kung di ako tatawa. Pati si Karl ay natatawa na rin.

"O sige, no problem! Rosie, mauna na kayo. May bibilhin lang ako?" Sabay turo niya sa wing kung saan naroon ang Etude House. "Alam mo namang di pwedeng... sumama diba?" Sumulyap si Karl kay Jacob.

Tumango ako at sumama kay Jacob papuntang Ford Ranger niya. Halos mapasayaw siya sa saya nang naglakad na kami papunta sa sasakyan niya.

"If I don't say this now, I will surely break..." Ngumingiti siya habang kumakanta nito sa pagbukas ng sasakyan niya.

Umiling na lang ako sa lamig ng boses niya. Hindi ko talaga maimagine na may ibang babaeng kakantahan niya ng ganito... kahumalingan niya tulad ng pagkahumaling niya sakin.

"Rosie, pwede bang sa inyo ako matulog?" Tanong niya sakin nang pinaandar niya ang sasakyan niya.

"Huh? Bakit naman?"

"Sleep over lang naman." Ngumisi siya.

"Hindi pwede!" Sabi ko.

"Sige na naman, please!"

"Ikaw? Alam mo ang landi mo talaga! Alam ko kung anong gusto mong mangyari at hindi pwede!"

"Huh? Bakit? anong ibig mong sabihin?" Sumulyap siya sakin.

Pababa na kami ng carpark ngayon.

"Hindi pwede!" Sabi ko agad. "Basta hindi pwede!"

Sumimangot siya, "Wala namang mangyayari. Gusto ko lang talagang magkasama tayo ng mas matagal. Palagi na lang tayong di nagpapansinan sa school. Sana kahit ngayon lang, oh."

"Bahala ka sa buhay mo! Pwede pero dun ka lang sa sala matulog."

"Huh? Bakit si James sa loob ng kwarto ni Maggie natutulog?"

"Eh kasi hindi ikaw si James! Kaya doon ka sa sofa!" Sabi ko. "Oh? Kung ayaw mo. Umuwi ka na lang."

"Hindi! Gusto ko no! Kahit saan basta makasama lang kita ng mas matagal." Ngumisi siya at tinitigan ako nang nagtraffic.

"Nawala na yung lipstick mo dahil sa halik ko kanina." Ngumisi siya. "Ay meron pa palang konti. Tanggalin natin?"

Napatingin ako sa kanya. So naughty! Ugh! Napangisi ako sa sinabi niya.

Inilapit niya agad ang mukha niya sakin para halikan ako. I think I'm addicted... My God! Tama si Karl! Sobrang hot ni Jacob, naiinitan na rin ako.

*PEEEEEEEEEEEEEEEEP*

"Ooppps!" Tumawa siya at pinaandar ang sasakyan.

Nag green light na pala at di kami umusad kanina dahil sa paghalik niya. Shucks! I just can't get enough. Para akong timang na naghihintay na halikan niya ulit dito sa tabi niya. Buti at nag di-drive siya ng seryoso kaya di niya ako napapansin.

Nakangisi siya habang nag di-drive...

"Damn, miss na miss ko ang labi mo. Palagi na lang." Aniya.