Tera Saath Joh Choota,
Sab Bikhar Gaya..
Tu Ab Paas Na Raha,
Sab Toot Gaya..

Magar Teri Yaadein Hain Abhi,
Jinhone Mujhe Sambhala..
Tera Pyaar Hai Abhi,
Jisne Mujhe Sambhala..

Kaa hua..?? Aap sabko lag raha hoga ki ye upar ki lines Haseena madam ne likha hai.. magar nahi.. ye ham hain.. Karishma Singh.. haan jaante hain ki Maddam Sir ke jitna achha nahi hai lekin phir bhi.. kabhi kabhi likh lete hain..
Lekin sach sach batana.. laga tha na aap sabko bhi ajeeb.. ki ham.. ham diary likhenge.. magar kaa kare.. jabse Haseena madam ko khai mein apne aankhon ke saamne girta dekha aur ham kuch nahi kar paaye uss din se andar hi andar ye baat hame khaye jaa rahi hai..
Maddam Sir.. aapse na ek baat kehna tha.. abhi na aap jahan kahin bhi ho bas hamari baat sun lijiyega.. Thane mein na sab log ek mahine se maano hasna muskurana bhool gaye theyy.. woh toh Billu ka meherbaani ki ham sabko kisi-na-kisi baat pe hasata rehta hai.. aur ham.. ham bhi toh waise hi ban gaye hain..
Sabko sambhalne ke liye hamne apne aapko hi badal diya.. ab ham kisi ko bhi apne aansu nahi dikhana chahte.. aur na hi dikhayenge.. woh toh shuru shuru mein Pushpa Ji ki goud (lap) mein sar rakhke ro lete theyy.. lekin phir Amma bhi pareshan ho jayengi isiliye iss diary mein apne saare din ka kaand, sab haal likh dete hain.. ab hame samajh aagya hai ki asli taakat sharirik nahi, maansik aur jazbaaton mein hoti hai.. aur aapko pata hai..
Aaj na hamne Anu bhaiya ko sab..sab sach sach bata diya.. ki jise woh apni Haseena ji samajh rahe theyy na woh asal mein Urmila Mahadev Mhatre hai.. bahut bura laga ye kehte samay ki Maddam Sir ab nahi rahi.. lekin unko sachhai batana toh zaroori tha na..
Magar dil ki kahe na toh Urmila ke saath hota hain na jab, tab tab ye ehsaas hota hai ki Maddam Sir Yahi Kahin Hamara Paas Khadi Hain Aur hamara har baath sunn rahi hain.. hamse baat kar rahi hain.. hamara saath de rahi hain.. hamara marg darshan kar rahi hain.. Maddam Sir.. bas ek baar..bas ek baar aap hamara marg darshan kar dijiye aur hame Shakti dijiye ki ham kaise aapke kaatilon tak pahunche aur aapko insaaf dilaye..
Aur..aur ham waada karte hain.. ki phir se apna control nahi khoyenge.. uss har case.. joh ki Thane mein aayega usse jazbaat se hi suljhaayenge..
Ham hamesha aapka aabhari rahenge ki aapne hame itna bada seekh diya..
Jai Hind Maddam Sir..
~Aapki pyaari Karu

-----------------------------------------------------------------------------------------------------------------------------------------------------------------
Hola people!!

Kal ke episode mein Karishma ki ek line na mere dil pe direct lagi..
"Pushpa ji zindagi mein na kuch dard aise aate hain jinko baanta nahi jata..unka saamna aapko khud hi karna padta hai.. jaise ham kar rahe hain.."

Iss line ne mujhe Karishma ki condition, uska inner turmoil, unke jazbaaton ko samjhane aur likhne par majboor kar diya..

Isiliye uske emotional turmoil ko showcase karte hue uski diary ki form mein ek chota sa short..

Your friend,
gehraiyaan