Muskura kar bagal se nikal jaana
Kuch na kehna, bas dekhte jaana
Chup kyun hai, pyaar hai to bol de na

Wo blackboard ko ek tak nihaarna
Mujhe peeche dekh bahaane se thehar jaana
Thoda apne mann ko tatol le na

Raat jaag kar WhatsApp messages karna
Mushkil se aankhe kholna, aanhe bharna
Fir bhi na kehna, arre pyaar hai to bol de na

Mere baare main sochte, darwaje se takrana
Mujhtak kadam badhana fir waapis jaana
Kehna hai to keh na, pyaar hai to bol de na

Dil zor zor se dhak dhak hi to karega
Haath kapkapayenge, mann darega
Thodi himmat to dikha, pyaar hai to bol de na

Apne ehsaas pe lage parde khol de na
Pyaar hai to bol de na

~

TallGuy