روايه قلب مستعمل
كتاباتي سووما سنفوره

الحلقـه 29

نمشو لشخص اخر

محمد

"عديت للبحر لانه كنت مخنوووووق منقهررر وكان البحر جنب المستشفي
كنت ندكر في حب حياتي كنت ندكر في ايام قبل لنعترفلها ""

خلينا نرجعو بالزمن

جلنار: صباح الخير
الكل: صباح النور

محمد"حرك الحافله"عندك امتحان اليوم؟ !
جلنار: مني اني؟ !
محمد: ايه
جلنار :لاء
محمد: معندكمش اي شي مهم صح،
جلنار: اي ليش
محمد: اهااا بس هكي سؤال

دخلت رتاج

رتاج: صباح الخير
محمد "التفت"صباح النوووووور 😍خيرك امس غايبه
رتاج 'قعمزت عالمقعد"مريضه
محمد:لاباس عليك 😍توتو

جلنار توسعو عيونها وارتفعتلها الحراره،قريب تضربه بوكس

محمد :ها رتوجه شجو قرايتك
رتاج: الحمد لله
تمام كيف حالك انتتت
محمد: ميه ميه بشوفتك
😻😍
رتاج: يقلبي 😍رحت تحبني 😍😍
محمد :تقريبا 😹😍😻

......

في المرواح

دخلو كل الطلبه ما عذا جلنار شوي وجت

قفلت الباب بقوه

محمد: نبيه باب الحافله راه بالشوي عليه 😒

جلنار."بانفعال: سكر فمك يا صايع

محمد في باله "الله عرفت انك تحبيني واضح 😹😍"

بعد ايام

محمد وصل كل البنات وخلا جلنار اخر وحده

جلنار: خيرك خليتني اخر وحده 😒
محمد....ساكت
جلنار: يا زهااق
محمد: نبي نقولك حاجه
جلنار: شني 😒
محمد: نحبك 😍
جلنار: واضح ورتاج يلي تتمعشق فيها 😒
محمد: بلا كدب واضح عليك تحبيني ورتاج فرصه مش نشوفك تحبيني او لا 😻

جلنار. ساكته

لوين ما وصلو للملجأ
جلنار بتنززل

محمد :غدوا امي جايتكم

جلنار نزلت فرحااانه

محمد: مهبوله 😹😍

»»»

في الواقع
محمد: اااااااه متوقعتش روحي نقول كلمه نحبك لي اختي "ولع دخان وبدا يدخن "اااااااه يا ريتني نموووت خلاص كافي اخر شي نحب اختي ....بس خلاص اني نحبها نبي نتزوجها اني منحبهاش كأخت اني نحبهااا كحبيبه ياربيييي يااارب

"اني صح محكيتلكمش علي قصتهم هلبا  بس انتو فاهمين كيف شعورهم صعب 💔💔 "

جلنار خشت،علي امها وحضنتها

لقت خالي بس حداها

جلنار: بابا وين صغارك
خالي: فوتيهم اهم شي امك توا
جلنار: كيف حالها
سندس: كيف حالك عمي
خالي: قال الدكتور بتقعد مقعده
جلنار: حقااااا 😱😱اني في خدمتك يا ماما لمين ما نمووت
»»»»

ايات: شن،تدير هني؟ !
محمود: مرتي هني!
ايات: اههااا ربي يشفيها
محمود: وانتي شن تديري هني
ايات: قصه،طويله
......"اهلا اهلا من انتي؟ !
امال: محموذ؟ ! من هدي
محمود: بنت نعرفها

"انا شفتها بصدمه 😳😳😳حي ايات "

ايات: ميورره

كلهم استغربو اني وايات نعرفو بعض! !

منير: من وين تعرفيها
ايات :قصه طويله
محمود: ليش جيتو
امال: ميار تبي تشوف اختها
محمود: اهاا تعالو خشو
ايات :ربي يشفيها مع السلامه "عدت"
منير مسك محمود من يده لمين ما خشو امال واني

محمود: خيرك
منير: من هدددي؟ !
محمود: بنت نعرفها
منير بعصبيه: نعلم مالا ولددددد من وين تعرفها
محمود "حول،يد منير منه "نعرف نتصرف اكبر منك رااه
منير: لا يا خال التصرف مش بالكبر

محمود قعكز متغفلق
منير: مش ناسيهلك راه 

اني »»

خشيت عليها وكنت نبكككي لما شفت الاجهزه زدت بكاء اكتررر
كيف بطنها كبرت
كيف وجهها شاحب
كيف صوت الاجهزه،يلي يخوفو
تن
تن
تن
ودقات القلب،
بديت نشوف فيهم
خفت يوقفو
شفت فيها
لا هيا تقدر تحكي ولا انا،نقدر نحكي
متقاربين من بعض بهلباااا
شفت لي الاجهزه بدو يديرو في صوت غررريييب تغير صوتهم نحس في نفسي عدا تعرفو معاش فهمت خيرهم شن فيه شويا ويجي دكتور وممرضات ويرفعوني يطلعوني اني قعده مصدومه خيرهم ؟! شن،فيهم؟ !

شفت محمود حاط راسه لوطا ويفكر نحس في وراه حاجه؟ ! حي زعما شاف الوصيه،؟!

محمود»

لما بدو الدكاتره يجو ويجرو معاش فهمت شي خيرهم هدوماا

بدا الشريط يجري قدامي

هذاكا اليوم
اليوم المشؤم

محمود: سالي
سالي: همممم
محمود: انتبهي اهني! !
سالي: تي همممم
محمود خبط يده عالطاوله: فوتي التلفيزيون
سالي: تي هااااااااا
محمود: شن،بنسمو الولد
سالي:ياريته بنت
محمود: ههههه هي قولي شن نسموه
سالي: يوسف
محمود: عليش 😏😏😟
سالي: هكي نحبه من زمان
محمود: حتا توا
سالي: اكيددد 😍
محمود: نحكي عالشخص نا
سالي: ههههههه تقاعد مجاش هوا
محمود: لا قاعد متكدبيييش
سالي: محمود خيرك
محمود: تحبيه صح؟ !يا صايعه احترمي حتا العيل يلي في بطنك
سالي: محمود متتهورش شن،تقول انت
محمود: سالي متنرفزينيش
سالي: هي هي هي انتتت
محمود: قولي كل،شي لانك مفضوحه ليوم بنتلاقا معاه
سالي: عادي اتلاقا كان قدر يشد حاجه عليا
محمود :يعنني الكلام هذا صح؟ !!!
سالي: مش عارفه بس افهم اقسم بالله غير كلام عالدراسه بس
محمود "ناض شدها من شعرها وطيحها بكل قوته"
سالي: يا مختش الولدددددددد
محمود"معدلش عليها بكل بدا يضرب فيها وخدي مفتاحه وطلع "

تلاقا مع يوسف

يوسف: واللهي يا خوي منكدب هيا كانت شريفه معاي وكان مش مصدق نعطيك تقرا المحادتته
محمود: ويعني! ؟
يوسف: اني اصلا يلي كلمتها علي انه نبي منها شيتات وهكي واسئله بس اقسم بالله منطلعو برا هالاشياء بكل قصذي كله قرايه وهكي ...حبيتها وحبتني بس مفيش حد لمح او حاول يعترف الا لما انت جيتها اني قتلها ...اسف خوي
محمود: تمام ...سلام صحيت يالقدر
يوسف: سلام....بس لولا الولد الي فتن ووصلك الكلام بصوره تانيه راه ما قتلك هكي حبيت نتلاقا معاك عشان نفهمك الصح ...
محمود: صار خير

محمود روح للحوش فرحان وكله طاقه اجابيه فجأه يفتح الباب يلقي سالي غارقه في دمها كدب عليهم قاللهم انه زلقت في الحمام

»»»»»»»

بعد مرور 3 ساعات
الممرضه طلعت: جاكم بنيه مبروك عليكم 💞
محمود "سجد من الفرحه "
منير: باااه كف حال سالي! ؟
الممرضه: تمام كويسه بس قاعده في غيبوبه
امال: نقدرو نشوفوها لبنيه؟ !
الممررضه: للاسف لا لانها صغيره بنحطوها في الدفايه
قعدتكم هني مش حتفيدكم شي
محمود: عادي نرفعوها لمستشفي خاص؟ !
الممرضه: هيا متبيش شي ...قصدي حالتها مستقره غير صررف فلوس
محمود :تمام

»»»»»»»»
بعد مرور اسبوعين

برنيه: جوجو بري خودي ورقه الخروج مليت
ايات: عميمه تطلعي بس كولي
جلنار: وين بابا
برنيه: يجيب في كروسه
جلنار: ااه باه خيره محمد هني قاعد اليوم !!
برنيه :قاعد مع بوه
جلنار:اه "طلعت "

عدت بتاخد ورقه الخروج حست روحها مخنوقه طلعت البراا
لقت محمد يدخن

استدارت بتطلع مش قادره تتحمل تشوفه
محمد: جلنار 💔
جلنار 'التفتتله وتنهدت"
محمد: المهم بنقعدو نشوفو بعض ديما
جلنار "نزلت منها دمعه ساااااخنه "
محمد "مسحها"المهم الزمن مفرقناش
جلنار: نحــ💔ـبك
محمد: حتا اني 💔
جلنار: بس انت بتعيش مع امك هديكا
محمد: بنعيش معاك اني في حوشكم
جلنار: عليش 😟
محمد: امي لزتني عشان قعدت معاكم
جلنار: ااه ...به هيا نطلعو ماما من المستشفي
محمد: تمام "مسك يدها "عادي راه خوت نحن
جلنار "ضحكت "
محمد:نعليا من الضحكه 😍
جلنار: انحبـك يا خوويا 😻
محمد: نحبك يا احلا اخخخت "ااااااه يا قلبي وربي انحبك كحبيبه 💔💘"

»»»»»»»»»»

اني"كتبت لمنير عالفايبر"

وينك!

منير: هاااااي

اني:وينك منير تعال
منير: استاحشتيني 💃👏😻
اني: مهبول 😅😂 لا ماه اليوم بتشوفو سالي والا

منير: ههههه اي جهزي روحك
اني: كيف حال محمود اليوم
منير: يقطع القلب 💔
اني: معاش تزيد عليا باللهي
منير: حقااااا بنقولك
اني: شننننن
منير: اي
اني: تي تقول يا صامت
منير: اليووووووووم
اني: اااااييييه
منير: بتتتتت
اني: منير خلص 😟😒😒
منير: باه اليوم عندك مراجعه عند دكتوور متخخصص لحالتك من فرانسا
اني: تحكيي جدد يعني حيفصل حالتي بكل شي 😻
منير:كيف بكل شي 😂
اني: هي سلام خالتي سعاد بتبدلي
منير: تشاو

»»»»»»

ايات: خيره بابك اليوم
جلنار: وصله ضرف من المحكمه مش عارفه شن هوا قلب حالته للاسوء
حنين: قديش ليه معاش مشي لي اهله غادي
جلنار: اي ....ماه طلقها مرته هيا تبي هكي مشي طلقها ...
حنين :اهااا

»»»»»

برنيه: اسفه
خالي: علاش! !انتي شن دخلك في الموضوع
برنيه: توا نشتغلو ونصيرو احسن من يلس كنا عليه متخافش
خالي: اني المهم طلقتها وتفكيت منها خلها تاخد يلي تبيه
برنيه :احسن صرت توا ليا بس
خالي: هههههههه بس
برنيه: شني!
خالي: عليا دين
برنيه: كم
خالي: 10 مليون
برنيه :هههههههييي ليييش 😨😨😨
خالي: عساس بنخش في مشروع بشركتي مشي خسرت المشروع وقبل بنبيعو الشركه فـ صارت هالقصه والشركه ليها ...والحوش والسيارات وكل شي
برنيه: اطلب من صغارك
خالي: تي يلي نجوزه يشد حوشه معاش نشوفو فيهم تصدقي بي الشهور ...لا حسستيني توا كان عديتلهم.بيساعدوني ...بيتبرو مني هما
برنيه: مش عارفه حتا الملجأ باسمي عادي نبيعه راه
خالي: لا اقسم بالله ماني بايعه
برنيه: محمد قديش ليه هني قاعد
خالي: ماه شغله هني وبيعيش اهني
برنيه: اااه. . ...غريبه ميحبش امه
خالي: محمد متعلق بجلنار فاكيد حيعيش هني ومن زمان بانيله شقه هني وعايش فيها فأكيد قاعد

»»»»»»

بعـد مرور شهر

حياتنا طبيعيه جدا متغير شي غير انه محمد مره مره يجي للملجأ يشوف في جلنار ويكلم فيها بالفون
وسالي حياتها نفس ماهي قاعده عالاجهزه والبنوته منعلموش شن سماها محمود لانه قال مفاجأه

وطبعا اليوم بنطلعوها وبنجيبوها لحوشهم

»»»»»

برنيه :خيرك مختار
خالي: اليوم اخر يوم
برنيه: فيش؟ !
خالي: مهله تسديد الدين ...اني فلللسست
برنيه: جمعنا فلوس من البوتيك "محلهم تبع الخياطه"
خالي: ميكفووووش

طق باب الحوش

طلعت جلنار

الراجل: اختي وين مختار .....
جلنار: تو نناديه

خالي: تفضل

الراجل: تفضل انت علي مركز،الشرطه
خالي: لحضه بس

عدا ودع اهله عارف نفسه بيخيس في الحبس

»»»»»»

سامي: يا قدر قول شن فيه؟ ! ليك شهور مش علي بعضك
محمود "تنهد"واللهي يا سيمو متحسرررر تصدق بعد ما روحت من هداكا اليوم لما بنعتدرلها واني متحسررررر ....ليش محبيتهاش من زمان! ليش طاح فيها الغلا لما مشت للمستشفي! لللللليش
سامي: كنت تحب ايات صح! ؟
محمود: ايه حتا بعد ما تزوجنا نتخيل فيها ايات كل شي ايات ايات نساير فيها مرات ضلمتها هلبااااا معاااي ومع هكي صابره ....تصذق نقدرش نطلقها مش عشان بتوجعني لا لا عشان نحبهاا
سامي: والله ما عرفتك انت تحب ايات او سالي
محمود: تصدق هذا يلي محيرني
سامي: خليك مع مرتك ربي ينوضها بالسلامه وفكك من الوسوسه ليك سنين مع سالي ولتوا قاعد تحب في ايات
محمود "شافه بصدمه"انت تحكي جددد؟ !تعرف انه ايات من لما هيا تقرا صف اول واني نتبع فيها؟ في التانويه وكل ايامي معاها اعترفتلها في الجامعه ومصدقتتت نكلمممهااا ووقفت معاها لما،ماتو اهلها في الاخير تقولي انساهااا
💔💔يقدر واحد ينسي حب حياته 💔من الطفووله ...بس نحس في روحي نحب في سالي اكتر
سامي "باستغراب"تي انت قاعد بين قلبين 😟سالي وايات ...ننصحك تمشي لي مرتك خيرلك
محمود :حاس بالدنب كله مني اني ....لو كان قلبي مفيشي ايات راه قدرت نتصرف ....لو كان اتزوجت ايات مصارش هكي 💔خيرني بس ياريتني قعد عازب ولا اتزوجتت 💔
سامي: استهدي بالله يا خي

»»»لو كان قلب محمود مش #مستعمل راه موصلش لهني! راه عايش مع سالي احلا عيشه ...قرر يتجوز وعنده،شخص في قلبه 💔مقدرش يطلعها ابدا ونفس الوقت يحب في سالي

»
سالي

لو كان قلبها ميحبش في يوسف 💔لكانت توا مش في غيبوبه توا حداها بنوتتها وعايشه حايتها 💔هيا غلطت اكبر غلطه المفروض رفضت وراجت لمين ما جي يوسف خطبها 💔بس هيا دعست عي #قلبهاا المستعمل 💔
وعاشت حياه غريبه فيها الغمووض

»»»»»»»»
منير: قلبي متمسك فيها يا معاد
معاد: عادي شن فيها كان خديت بنت معاقه
منير: نادم علي يلي درته زمان
معاد: يلي فات مات
منير: تصدق ....استاحشت صوتها
معاد"شهق"يعن جدك 😱😱😱تي مش قلت نادم
منير: تي شن تخرف انت
معاد: من هيا يا صايع يلي مستاحش صوتها 😟😂
منير: ميار يا متخلف
معاد: ههه ع هه هههههه نسحابه صفاء 😂
منير: ههههههههه تصدق قديش كنت شخص متخلف يا را نحب في وحده متزوجه ومطلقه 😂😂لا حول ولا قوه الا بالله
معاد: الله غالب مختش 😂

»»»»»»»»»

حقا مقلتكمش جتنا اشواق وميار ووليد وقيوسه سألو عليا وزاروني
واني عديت لجلنار والملجأ ومعايا سعاد
المهم توا نجهز،في روحي عشان بنشوفو البيبي 😻😻

وصل منير "طبعا منير وقف معانا وقفه سمممحه "
ركبوني  وسعاد معانا ورفعنا بابا معانا عشان
عنده مراجعه

ومحمود ركب اماني وامال وخالتي غاليه

اول شي احني عدينا رفعنا بابي عشان المراجعه عطل هلبا الدكتور مع منير

الدكتور: المرض متمكن منه هلللباااا شكله خدي جرعات واجد
منير: اييه
الدكتور: من عطاهوله هوا الدواء
منير: تخلبطنا في الدواء بس
الدكتور: تقدرو تفتحو محضر للشخص يلي خلبطلكم فيه راه
منير: لا لا عادي فوت المهم شن توا بيصير فيه
الدكتور: تحت رحمه ربي
منير: باهي بيقتله المرض هذا لقدر الله
الدكتور: هوا الدواء لي بنعطيهله بيخليه متهلوس شوي وبيبدا هادي وكأنه مهدي هوا ماهو كنهذا بيبدا يذير في حاجات غريبه لدلك الدواء هذا بيخليه هادي ....طبعا الموت بيد ربي لكن احتمال الجراتيم يلي دخلوله بسبب الدواء هذاكا يقضوله علي خلايا مهمه للحياه فـ مرات يموت 💔قتلك راه ضروري تبلغو عليه
منير: تي كله بيذ ربي فوت فكنا من المحاكم والجو فهمتت وتاني شي منيش قاطع شغلت الراجل
الدكتور: تمام كيف ما تبي ....هذا تقرير كامل علي حاله المريض تقدر تعطيه لدكاتره في الخارج عشان يوضحولك اكتر علي حالته
منير: تمام صحيت
هي سلام

»»»»:

امال:متشوقه نعرف الاسم
منير: قالهلي اني بس 😒😂😂انتي لا "مد لسانه "
امال: اممميي كلميه فرخك
غاليه: فضحتونا سكرو افامكم راه في مستشفي مش في حوشنااااا

»اني

طبعا من اول ما نضت الصبح واني حاسه بشي غرررريب قصدي نحس في انه لو حاولت نحكي ح نحكي لو نطقت كلمه ح تطلع صوتها بس كل يوم نحس هكي ونقعد نجرب لمين ما يخيب املي حتا اليوم مفكرتش نجرب بكل

شوي وخش محمود جايب البنت والعيله كلها صبت غيري 💔منير قاعد مقعمز جنبي بس مباش يبين شي وبابي قاعد عند الدكتور يدير في فحوصات منعلمش شن هما

البنوته مرت علي كل العيله الا انا ومنير لوين ما ناض منير جابها وقرب مني وجابها ليا انا مسكتها ومنير همسلي في ودني عقبالنا اني سخنت 😂

مهم

صبا منير وقال: رحبو بي وتين في عيلتنا
"وشاف فيا "

البنوته قصدي وتين بدت تبكي

اني معاش قدرت نتحمل كياتتتها
نطقت لا اراديا كلمه كياته
تصدقووو

طلع صوووت! !

نطقت كلمه كياته! ؟؟يارباه

منير شاف فيا بفرررررررح وعم السكوت في الغرفه
معقوللله رجعت نحكي؟ !
يااااارررب انشالله

لو كان صوت بكاء طفل يرجعني نحكي؟ !قصدي واااااو

حاولت نحكي كلمه تانيه

لكن .....🌹🌹

#يتبع

متابعين الروايه حرام انا نتعب وفي الاخير منلقاش في تعليق يفرحني 💔💔💔

ارجوكم تفاعلووو