|والله مش ستوكر|
"الضيوف ابتدوا يدخلوا واحد وراه التاني، كانوا كتير و بكل الاحجام و المقاييس.
كان غالبا بيبقي في نمط معين للضيوف وهو كالاتي:
اولا الكابلز و دول ميعرفوش يعني ايه مساحه شخصيه او اعداد فرديه كانوا بيتعلموا الاعداد الزوجيه بس في المدرسه، يدخل الكابل زي شون و كاميلا مثلا، طبعا عارفين شون و كاميلا مش كده؟ الي عندهم هوايه تقليد السمك دول. المهم دول دخلوا ماسكين ايد بعض ، هدومهم نفس اللون، ايدهم في ايد بعض، شنطه واحده ليهم هما الاتنين ودي فيها رساله مخفيه معناها احنا مرتبطين اوي اوي اوي يا كيادين واسمي من هنا ورايح كاميلا مينديز. ده حتي حيوانتهم الاليفه بتحب بعض تخيل؟
طبعا الكابلز مجاش اكتر منها اشي شاكيرا مع جيرارد بيكيه و جاستن ثيروكس مع جنيفر أنيستون و بليك ليفلي مع ريان رينولدز و اوبرا وينفري مع ستيدهام جراهيم و ايلين الي هي بتاعت ذا الين شو مع بورتيا و اهمهم طبعا ملكتنا وتاج راسنا بيونسي و عمو جاي زي وغيرهم كتير بس الوقت قصير.
النوع التاني و الاقرب لقلبي هو الستوكرز، اه والله زي ما قريتوا كده ستوكرز في حفل مش بيدخله غير المشاهير، اتضحلي ان في بعض الناس اتخلقت تبقي ستوكر اهو يا حول الله دي هوايه ليهم باين، زي مين بقي؟
بصوا انا مقدرش افضح حد علي الملئ كده لاني بؤمن بالكارما وعارفه كل ده هيتردلي وشهاده لله انا قد اكون لاحقت قله من الاشخاص في حياتي بس دي قله قليله صغيره لا تري بالعين المجرده صدقوني بس عامه يعني في واحد منهم فاضح نفسه اهو ده اقول عليه عادي، الواد الاهطل ذا ويكيند فياريت سيلينا تخلي بالها.
ذا ويكند لانه ستوكر شاطر مش اي كلام دخل من الجنينه مش من الباب زي الناس الطبيعيه، ولابس نضاره شمس شبه بتاعت ام كلثوم الي بجناحات، قال يعني كده هو في حاله ومش بيراقب سيلينا.
طبعا الستوكرز عندهم اشارات واضحه كده تعرف تلقطهم بيها اهمهم، النضاره الشمس والساعه لازم يلبسوهم، دول بديهيات عشان لو حد شك فيهم يروحوا مثلا يبصوا علي الساعه او يعملوا روشين بالنضاره الشمس الجناحات الي هما لابسينها، ولو اتزنقوا جامد يعملوا نفسهم عُميّ ويتصعبنوا بقي انا مش بشوف انا وقعت علي ركبتي الشمال عملت عمليه في وداني الوسطانيه وفقدت النظر وانا عندي تلت سنين ويعيطوا حبه. وانا اعرف ده عشان انا دقيقه الملاحظه مش اكتر، مش عشان انا براقب حد لا ابدا نهائي.
النوع التالت هو نوع القوه في الكثره الي هما بيكونوا شله متعرفش تفرقهم عن بعض زي فايف السوس مثلا لقيت الواد القمرايه مايكل ابو شعرايتين رايح يجيب كوبايه عصير قصب عادي غمضت عيني وفتحتها لقيت جمبه باقي الشله لوك و اشتون و كالوم وعلي فكره كلهم تقريبا لابسين نفس البانطلون الاسود مع شويه فروق قليله هما ليه الناس الي في باند مع بعض بيلبسوا نفس ستايل البناطيل؟
حتي انتوا في ون دايركشن كنتوا بتعملوا كده وتقريبا نفس البنطلون الاسود برضو، ايه السر في كده؟ بيتوزع عليكوا البنطلون ده بالمجان يعني لو في باند ولا البنطلون ده سر المهنه مثلا ده انتوا حتي بعد ما اخدتوا البريك مبقتوش تلبسوه فيعني ده مش حبًا في البنطلون. ده سر وهكتشفه قريب بس مش بالستوكينج عشان انا مش ستوكر.
وكان في شله متنمرين معديه لقطتهم، كانوا اريانا جراندي، البت دي بترعبني والله ما بخاف من حد زيها، كان جمبها شيريل ايوه يا ليام شيريل جت وهتربيك متنحش كده المهم ومعاهم نيكي ميناج وآنا وواحد اسمه تروي سيفان بس مش عاجبني.
وقلبي حضر، تيموثي شالاميه حضر، ياهه لو كنتوا شوفتوه في بدله لموني وجزمه حمرا، تحس الواد هاري ملبسه بس قمر والله قمر ولا كأنه طالع من فيلم انميشن ليه؟ لان مفيش انسان كامل كده. يعيني كان شايل شنطه كبيره لوحده بس انا مسكتش وروحت شيلت منه الشنطه ووصلته لأوضته وده عشان انا بحب اساعد الناس، جميع الناس بلا استثناء واه هوصلهم كلهم لأوضهم واعمل علامه مميزه علي باب الاوضه.
اه صح حضر برضو العيال بتاعت واي دونت وي و بتس و ذا فامبز و يختي لقطت الواد بتاع ذا تشينسموكرز الي هو الطويل القمر ده الي بيغني.
و طبعا جه شويه سناجل علي كام واحده طالعه من اكتئاب ودول ربنا معاهم حقيقي و مشوفتش البنت الفان الي انتوا كنتوا قلقانين منها بس تخيلوا لقيت ناس باعته حيوانتها الاليفه بدالها ما هي بقت هيصه!
صح يلا يا لوي خلي بالك الواد نوتي بوي ظهر وانت يا نايل كاتي القلب بيري جت بس لازقه فيها واحده اسيويه هتجيب اجلك وانت يا ليام يا عمري زي ما قلتلك جاتلك شيري وشكلها هتربيك.
واه البت بيري وجماعتها مجاش منهم غير واحده."
"وانتي مين بقي؟" سأل لوي وهو باصصلي بعيونه الزرقا دي الي شبه المحيط من فيلم القراصنه بتاع جاك سبارو، الله هو جوني ديب مجاش الفرح ليه صح؟ ده انا كنت هموت و-
"انتي يا حجه بنسألك سؤال احنا ما تردي!" الي بيزعق ده لوي برضو الهي تنشك في قلبك يا بعيد يا قمر انت طلعتني من احلي افكار في جوني ديب ده انا بفان عليه من وانا عندي خمس سنين وكنت بشجع علاقته مع وينونا رايدر ياه علي دموعي لما انفصلوا ده انت يا لوي خن-
"يا ساتر يارب هولي شيت" صرخت بصوت عالي لما لقيت جزمه كبيره بتطير في وشي!
"ما كنتي تنطقي من الاول لازم يعني البهدله دي بصي بقيت بجزمه اه وجزمه لا ازاي" نايل اتكلم وهو بيبصلي بشعره البني الي بيلمع ده، ما انا كمان بحط زيت زيتون علي شعري ليه بقي شعري مش زي شعره؟ ياه لو يصبغ شعره زي زمان، كان حلو وهو اشقر وكان لايق مع لون عيونه، يا تري عيونه احلي ولا عيون لوي؟ نقلت بصري بينه وبين لوي، عيون نايل واسعه بس عيون لوي غامقه كده وجذابه، الله هو لوي باصصلي كده ليه؟
" اقسم بالله العظيم لو ما اتكلمتي هسيب زين عليكي والي يحصل يحصل" ليام اتكلم بعصبيه، مالهم كلهم متعصبين عالصبح كده ليه وزين.. اعوذ بالله زين عامل زي الواد سكوت مكال من تين ولف لما اتحول لذئب مش التحول الجامد بتاع انا الترو الفا وبعيون حمرا لا ده التحول التعبان بتاع اول سيزون لما كان اول مره يتحول وعرقان جامد وعيونه حاده زي ما يكونوا نتفوا رموشه كده وتحس عظام جسمه بتتكسر عظمه عظمه و يشتغل الصويت وياربي انا خايفه هو ماله.
ثانيه كده لو زين يبقي سكوت مكال هل ده معناه اني ستايلز الي كان هيتاكل حي يومها؟ ينهار اسوح.
" هعد لغايه تلاته لو ما اتكلمتيش هسيب زين" ليام اتكلم ولوي ونايل وافقوه، يبوي علي الشر الي هما فيه.
"واحد" يلهوي طيب انا مين؟ اقولهم ايه دول
"اتنين" اكدب؟ ما هما مش هيصدقوا الحقيقه ولا لا بلاش الكدب حرام
"تلاته" ما اكدب يعني هي حياتي كلها في الصراط المستقيم، لا لا بلاش مش هعرف امسك لساني.
"هسيبه والله" ليام حذرني ومسك في كتف زين جامد، انت جعان يا زين؟
" خلاص هتكلم اهو امسك زين متسيبهوش، اوعي تسيبه ده باين عضه كلب" اتكلمت بسرعه وكلهم بصولي، متوترونيش!
"انا.." هو صوتي مش طالع مني ليه؟ هو ده وقته زين هيعضني
"ايوه انتي ايه" نايل رد بعصبيه
" انا مش ستوكر!" حرفيا صرخت بالجمله وهوشت يإيدي كعلامه للنفي وده خضهم نوعا ما، الا زين طبعا.
ماله بجد مين عضه؟ صايم طيب؟ لا ده حتي رمضان عدي، يكون فطر يوم في رمضان وبيعيده؟
"بس خلاص انا عرفت انتي مين" زين اتكلم
ايه ده عرف ازاي؟ طب ايه اجري؟ يالهوي هي مالها بردت كده ليه
كله بص لزين بما فيهم انا " انتي الي هتجيبي اجلي" زين زعق وبصلي بعيون سكوت مكال الالفا دي
"تعالي هنا يا بت" زين صرخ وجه يجري عليا
"يا نهار اسوح" صوتت وجريت بعيد عنه
"خلاص يا زين مش كده يبني ده انت حته عريس، يا زين عندي السكر يا زين!!" لا حياه لمن تنادي، زين بيجري ورايا وماسوره شتايم اتفتحت.
الكلاب نايل ولوي وليام اخدوا جنب وقعدوا يتفرجوا، هي سيما بابا علي ياروح امك منك ليها!
" يا زين تعبت والله ده انا نزول السلم بيجيب اجلي يابني ارحمني، ده انا قد اخواتك"
" لا! والله ما سايبك، انا مش ناقص عاهات في الفرح العاهه ده مش ناقص والله ما ناقص انا بس عايز اتجوز واروح عند امي" زين ابتدي يتعب، مفرقتش بقي تعب جسدي عن تعب نفسي اهو اي حاجه الحق بيها نفسي.
" هي امك مجاتش ليه صحيح؟" سألت زين
" عشان.. عشان مبتحبنيش" زين وقف في مكانه
" امي مش عايزه تحضر فرحي روحتلها البيت وقعدت اتحايل ولسه مجاتش! حضرت فرح اختي الصغيره صفاء وانا ابنها الوحيد محضرتليش عيد ميلاد
حتي! وهي بتحب صفاء اكتر مني حتي من صغرنا
كانت بتاخد حبات العنب الناشفه تخبيها لصفاء وانا
اخد العنب المستوي و انا مبحبش العنب الطري
المستوي! صفاء جابت بنت وسمتها زانيا، شوفي
بتغيظني انها اصغر مني ومعاها بيت وعيال وانا لا
ازاي؟ والله البت صفاء دي شريره شر ما حد يعلم بيه.
ده حتي عصير الجوافه كانت بتخلصه ومكنتش بلحق
غير عصير البرتقال البيور" زين قعد ينتحب وصعب
عليا فروحت قعدت جمبه
" كانوا بيشربوك عصير البرتقال البيور الي مفيهوش سكر ده بجد؟" زين بصلي، عارفين احساس الي بيبعت
سبعه وعشرين رساله طويله وفي الاخر الطرف التاني
يرد علي اخر رساله بس؟
اهو ده احساس زين بس يستاهل عشان خلاني اجري.
"اه وكانوا ساعات يجيبوا عصير عنب بيور"
"ده ايه الوقاحه دي" زين فضل يبصلي كتير، عيونه مبقتش شبه سكوت مكال في الحقيقه هي دلوقتي عسلي في اخضر في ازرق في بني ده ايه اللخبطه دي، في حاجه غريبه بتحصل زين بيضحك! قعد يضحك كتير يلهوي هي دي مومنت الهي البطل قهقهته وسيمه جذابه جميله رائعه وانا انشكح وكده؟ آمال انا عايزه اشرب مايه ليه؟ الكلام ده مكانش بيبقي مكتوب في الروايات.
" بجد انتي مين؟"
أظن دلوقتي وقت الحقيقه.
"مش هتعرفني حتي لو قولتلك اسمي او حكتلك عني بس أنا جايه اساعدكم، جايه اساعدك يا زين."
"ايوه برضو احنا لما نحب نناديكي نقولك ايه؟"
" بوظت شكلي الرائع البطولي ليه ياخي حسبي الله ونعم الوكيل عندك فكره انا تعبت في الجملتين دول قد ايه؟ فاكر الجمل الغامضه المثيره دي بتطلع بالساهل كده انا غلطانه اني جيت اساسا عايز تتنيل تنادي عليا قولي يا سعديه يا زين ياكش تتهد"
"اسمك سعديه بجد؟" زين سأل وانا بصتله بقرف
"لا."
_________________________________________
تن تن تا!
اتس بين سو لونج -فيس حزين-
لو حد يعرفني فاحب اقول وحشتتنننييييييي
لو انتوا جداد فاحب اقول وحشوني برضو بحبكم.
يجماعه ان شاء الله تأملوا خيرا مش هيحصل زي المره الي فاتت والستوري دي هتخلص.
بالذوق بالغصب هتخلص.
حرفيا السبب الي خلاني افكر ارجع الستوري هو انتم، كذه حد كلمني علي كذه فتره من ساعه ما وقفت الستوري ومنهم ناس بقوا صحابي جدا.
اظن كلنا عارفين ان دي ستوري عاديه كحبكه وككتابه، كل الي بحاول احققه هو ان وانتوا بتقروا تبتسموا شويه.💓
اينجوي يور داي، ويارب تبقي ايامكم سعيده والبارت الجاي هيبقي قريب ان شاء الله
-note:-
انا عدلت بشكل بسيط علي الستوري كلها فحاولوا تبصوا علي باقي التشابترز.
Bạn đang đọc truyện trên: AzTruyen.Top