|البلستيدات الخضراء|
- نيويورك.
"هنعمل ايه دلوقتي؟ دعوات الفرح ضاعت ومش عارفين مين جاي ومين مش جاي" جيجي سألت زين
"صدقيني انتي مش مضايقه اكتر مني " رد عليها زين و شد كرسي و قعد عليه
" انا متأكده انني مضايقه اكتر منك انت مش عايز تتجوزني و مش مهم عندك شكلك عند الناس و نفسك الفرح ده يبوظ اصلا!" جيجي ردت عليه بعصبيه كبيره
" يو دونت نو مي" رد عليها زين بكل هدوء
" إديني سبب واحد يخليك مضايق!" جيجي صرخت عليه
" ما هو لو كان معانا الدعوات كنت هدعي ناس اعرفها و أخليهم يشغلوكي و اهرب من الشباك بس دلوقتي مش هعرف" زين رد عليها بحسره
"زين حبيبي انت فاكر نفسك بطله في مسلسل لن اعيش في جلباب ابي؟ شباك ايه بس انت بتطلع السلم للدور التاني بالعافيه" ردت عليه جيجي وهي بتبصله من تحت لفوق
" انتي واحده نكديه ومعندكيش خيال" رد عليه زين و بصلها بقرف
" المهم هنعمل ايه في المصيبه دي؟" سألته جيجي متجاهله الي قاله من شويه
" ولا حاجه هنروح نحجز مكان للفرح و الي معاه دعوه يدخل، معاكي فستان للفرح؟" سألها زين
" ايوه معايا" ردت جيجي
" وده جبتيه قبل ما أقولك بحبك بشهرين صح؟" سأل زين بإستهزاء
" لا جبته قبل ما اخليك تتجوزني بيوم" ردت عليه جيجي و زين شتم بصوت واطي
" تعال ورايا" اتكلمت جيجي و اخدت الجاكيت بتاعها و طلعت بره البيت
~ بعد خمس دقائق~
زين لسه قاعد علي الكرسي بيتصور سيلفي بيحاول يبان فيه باد بوي بس تيشيرت باغز باني الي هو كان لابسه دمر خطته.
جيجي بتفتح الباب و بتدخل
"انا مش خرجت و رزعت الباب ورايا!! " جيجي صرخت في زين
" بسم الله الرحمن خضيتيني يا شيخه منك لله ربنا ياخدك قادر يا كريم " زين رد عليها
" مجتش ورايا ليه يا زين يا ابن تريشا!" جيجي صرخت فيه جامد
زين قام من الكرسي و حطه قدامه كوسيله دفاع
" ابعدي عني انا معايا كرسي و اقدر اعورك "
جيجي مسكت الكرسي و رمته علي الارض
" ايهه" زين بصلها بخوف و اتكلم
" انا مش قلتلك تيجي ورايا!؟" جيجي سألته
" والله كنت ناوي انزل بس اتصور الاول"زين رد عليها وهو مرعوب
" لما اقول حاجه تعملها فاهم!" جيجي صرخت فيه
" ايوه فاهم فاهم " زين رد بسرعه
" يبقي يلا امشي ورايا" جيجي صرخت و مشيت
زين مشي وراها وفي دماغه فكره واحده
' لازم اغير لقب جيجي من سفاحه الكلاب للعفريته في أسرع وقت'
" احم ممكن اسألك يا سفاح– قصدي جيجي سؤال بعد اذنك؟" زين سأل جيجي وهو بيحاول يبقي مؤدب
" اسأل" ردت جيجي
" احنا رايحين فين؟" سألها زين
" رايحين نشوف هنتجوز فين" ردت عليه جيجي
زين قرب عليها " و انتي عايزه تتجوزيني في مكان شكله ايه؟" سألها زين
" مش عارفه بس بفكر نحجز قاعه بتطل علي حديقه او بحر او اي مكان طبيعي عموما يعني الفرح مساحته متكونش القاعه بس " جيجي ردت عليه
" ياسس!" زين صرخ و نط في الشارع بفرحه كبيره
" احم يعني من وانا صغير كان نفسي اتجوز في مكان مفتوح " زين اتكلم بعد ما اتكسف من الي عمله من شويه
جيجي بصتله شويه وبعدين ضحكت و زين ضحك معاها
" تعرف و انا كمان كان نفسي اعمل كده اتجوز في
حته مفتوحه مع ناس بتحبني بجد و بتفرح ليا، انا
و اوليڤ كنا دايما بنحلم باليوم ده و بنقول اننا
هنسيب العريس و الفرح و نروح نتمشي شويه و
هنسميها مشيه العزوبيه و ساعات نقول هنخلي
الفرح بليل ونجيب تليسكوب و نشوف النجوم،
خيالنا كان واسع اوي " جيجي خلصت كلام و بصت لزين وكان باصصلها و بيبتسم
" هو الجو بقي حر ولا انتي الي بقيتي بتشعي ضوء و حراره " زين سألها و ضحك وهي ضحكت كمان
" طيب اوليڤ دي هتحضر؟" زين سأل جيجي
فجمدت ملامحها مره واحده و الابتسامه ضاعت منها
" لا" جاوبته بإختصار و بعدت عنه وكملت مشي
هما البنات كده لازم تسمع زي الاطرش و متتكلمش زين فكر و كمل مشي.
" معايا قايمه من افضل خمس قاعات مفتوحه هنروح نشوفها تمام" جيجي أتكلمت
" تمام" زين رد عليها.
-
" هنا في قاعه البلستيدات الخضراء هنوفرلكم كل حاجه تتمنوها " إتكلم صاحب القاعه وهو بيأخد جيجي وزين في جوله.
" هي القاعه اسمها البلستيدات الخضراء ليه؟ كده
صحابي هيفتكروا انهم رايحين درس علوم مش
فرحي انا حتي مش بحب العلوم!" زين أتكلم بإنفعال
" القاعه اسمها كده و احنا عاجبنا الاسم " رد عليه صاحب المكان و بصله بقرف
"عاجبك ازاي بس انت عارف البلستيدات الخضرا دي
ايه؟ دي مكون مهم لتكوين التكون التكملي للخضار
يعني انت مسمي القاعه بتاعتك قاعه الخضار!" زين
كلمه
صاحب المكان بصله بقرف كبير
" المكان ده متسمي علي اسم جدي الله يرحمه!" صاحب المكان صرخ في زين
جيجي بصتله و ضحكت جامد
" اسف" زين رد عليه
و سحب جيجي " يلا بينا من هنا الراجل ده هياكلنا"
" انت خليت صاحب اكبر قاعه في البلد يطردنا " جيجي كلمت زين
" انا حاسس انني لو كنت اتجوزت هناك كنتي
هتطلي بالاخضر مش الابيض و بعدين حد يتجوز
في سنتر علوم؟" زين رد عليها
جيجي ضحكت جامد
" انتي كويسه؟ بتضحكي كتير النهارده ، جيجي
كوني صريحه انتي هتقتليني؟ ياربي علشان كده
بتضحكي " زين كلم جيجي و هو خايف
جيجي ضحكت اكتر
" يلا زين علي القاعه التانيه " جيجي سحبته و ركبوا العربيه.
-
" جيجي دي أخر قاعه صح؟" سأل زين بعد ما
اتطردوا من قاعه و اتخانقوا في اتنين.
" ايوه يارب ناخدها بقي" جيجي ردت عليه
" يلا بينا ادخلي برجلك اليمين" زين اتكلم
" زين خلي بالك انا سمعت ان الناس دي نصابه" جيجي همست لزين وهما داخلين
" يلهوي" زين همس
" اهلا بيكم يفندمز ممكن اساعدكم " عامله الاستقبال رحبت بيهم
" اهلا بيكم يا ايه؟" زين سأل بيتأكد من الي سمعه
" يا فندمز" العامله ردت عليه
" لا انتي تستقريلك علي لغ- ايي رجلي!! اسف حضرتك تقولي الي انتي عايزاه" زين كان هيتخانق بس جيجي داست علي رجله
" لو سمحتى عايزين نحجز المكان لمناسبه" جيجي
كلمت العامله الي قالتلها تستني بس خمس دقايق و شاورتلها علي مقاعد الانتظار.
" زين اتلم عايزين نحجز القاعه دي" جيجي كلمت زين
" خلاص اتكلمي انتي و انا هسكت" زين رد عليها
" هيكون احسن" جيجي ردت
" اخلا بيكم في فنتقنا سرفتوني" صاحب المكان - اجنبي الاصل - اتكلم
" جيجي الحقي انا سمعت خنفسه بتتكلم " زين كلم جيجي وهو مش واخد باله من صاحب المكان
جيجي داست علي رجل زين تاني
" اهلا بيك انا جيجي حديد " جيجي وقفت تسلم علي صاحب المكان
" انا سعيد الهوا احم قصدي انا مارك ستانفورد" مارك رد عليها
" انا زين مالك" زين اتكلم و مد ايده علشان يسلم بس مارك اتجاهله و مشي و شاور ليهم بمعني 'امشوا ورايا'
" و بكده نكون خلصنا جولتنا في المكان" إتكلم مارك
"حلو اوي بس ايه هو المميز في القاعه دي ؟" جيجي سألت
" مش هحكي كتير تعالوا اوريكوا" رد عليهم مارك
مارك اخدهم لأول القاعه و مسك ريموت وضغط علي كام زر.
" العد التنازلي يبدأ الأن" صوت آله ظهر
" هو هياخدنا الفضاء ؟ صباع رجلي الصغير! والله ما هتكلم تاني اسف!" زين سأل جيجي و جيجي ضربت رجله.
" ثلاثه إتنين واحد صفر" صوت الآله
فجأه مركب صغير يكفي شخصين بس نزل من السقف و بقي متعلقي في الهواء ، مارك ضغط علي زرار معين فالمركب ده نزل تحت لغايه ما بقي علي الارض.
" أتفضلوا إركبوا" مارك قالهم
" لا ميرسي مش لازم " جيجي جاوبت وهي بتبص للمركب برعب
" والله ما يحصل لازم تركبوا" مارك رد عليها بإصرار
" مش هينفع يا بيه احنا بنخاف من المرتفعات " زين رد عليه و بص للمركب بخوف اكتر
" وحيات امي لا لازم تركبوا ده مكنش العشم برضو" مارك اتكلم و مسكهم من كتافهم و حطهم جوا المركب.
" يعني دلوقتي اتقنت اللغه العربيه!" زين صرخ
المركب ارتفع بيهم و زين و جيجي بيصرخوا
المركب يرتفع و هما يصرخوا ،هو يرتفع وهما يصرخوا هو يرتفع وهما يصرخوا لغايه ما نزلوا
" يلهوي يانا انا قطعت الخلف هصوت " زين نزل مش شايف اي حاجه قدامه
" انا مين!؟ انت مين ؟ انتوا كلكوا مين " جيجي اتكلمت وبقت تخبط في كل حاجه قدامها
" وده الي بتتميز بيه قاعتنا عجبكم مش كده؟" مارك اتكلم
" بتتميز في قطع الخلف؟" زين سأل
" لا يا زين مش هينفع كده انا عايزه امي تيجي تاخدني " جيجي ردت عليه
مارك بصلهم وكان هيغلي من الغضب
"قاعتنا و مركبتنا من احسن الاماكن في البلد! ومش البلد بس في احنا احسن ناس في امريكا و العالم كمان هه هاهااااهاهعخاههاا" مارك بقي يضحك
" جيجي تعالي نهرب دلوقتي الراجل ده اهبل و احنا مش ناقصين" زين همس لجيجي
" مش هينفع لازم نتجوز هنا" جيجي همستله
" احم احنا أكيد لاحظنا انكم الافضل و علشان كده عايزين نحجز لفرحنا معاكم" جيجي اتكلمت
مارك بطل ضحك وبصلها بإستغراب.
" بجد!" زين و مارك اتكلموا في نفس الوقت
جيجي بصتلهم هما الاتنين و جاوبت " ايوه بجد"
" يارب استر" زين همس.
_
" مش يلا بقي يا عيال نجيب هدوم للفرح " لوي
سأل البويز المتجمعين في الصاله
" لا" كلهم ردوا عليه
" ده فرح زين يا شويه معفنين" لوي اتكلم
" لوي انت اعفن واحد فينا و بتلبس نفس التشيرت
لشهر و عندك بدله واحده بتحضر بيها كل حاجه
حتي جواز خواتك كلهم المستقبلي هتحضره بالبدله دي
فياريت تقول عايز تجيب هدوم ليه؟ " ليام سأل
لوي
لوي بصله بمعني 'تفو علي التربيه'
" من الاخر الينور عايزاني انزل اجيب هدوم معاها وانا مش عايز ابات في المول فقلتلها انني رايح معاكم" لوي رد عليه
فجأه نايل و ليام و هاري قاموا " انا رايح" هما
التلاته قالوا في نفس الوقت
لوي بصلهم بأستغراب " ليام حبيبي انت سنجل
يعني مفيش حد يمشيك المول كله ، هاري انت
تروح عند عمو فتحي الفكهاني تسأله بيجيب هدومه
من فين و تجيب زيه طلبك مش موجود في محلات البني ادمين الطبيعيه ، نايل تعال في حضن اخوك "
نايل وقف و فتح ايديه علي الاخر " تعال يا فواز تعال "
لوي مشي عليه " اني چاي ياخويا اني چاي"
نايل مد ايديه اوسع " إنچز يا فواز الكولسترول هيدخل يدي كده "
لوي مشي عليه و مد ايده جامد و مشي عليه اكتر
وبعدين ضربه قلمين علي وشه جامد لدرجه ان وش نايل بقي احمر !
" انا ضربتك؟ " لوي سأل نايل
نايل حط ايده علي خده اليمين و هز راسه بمعني نعم
" وجعتك؟" لوي سأل تاني
نايل حط ايده التانيه علي خده التاني و هز راسه
" انت زعلان ؟" لوي سأل
نايل حط ايديه علي راسه و هز راسه
" اني آسف " اتكلم لوي
هاري خلع جزمته ورماها علي وش لوي و بعدين
حضن نايل و ربت علي كتفه " تريت الناس بكايند يا
كلب يا حقير يا ازبل افراد المجتمع!" هاري صرخ في
لوي
لوي بص علي هاري بعيون واسعه و بعدين جري علي ليام
" ليام ليام الحق!" لوي نادي علي ليام
" في ايه" ليام سأل
" هاري بيقول انني فرد من المجتمع!" لوي رد عليه و اتنطط في فرحه
" ربنا يشفيك" ليام رد عليه و سابه يتنطط
-
" كله جاهز؟" ليام سأل البويز
" لا" كلهم ردوا عليه
" ما يلا بقي يا شويه كلاب " ليام صرخ فيهم
" لو احنا كلاب يبقي علشان عايشين معاك في نفس البيت" لوي رد عليه
" انا خلصت " هاري اتكلم و وقف جمب ليام
لوي كان بيلبس الكوتشي و نايل بيعمل ساندوتش في المطبخ
" هاري انا هروح اجيب نايل و انت روح للوي" ليام اتكلم
" طيب " رد عليه هاري وراح للوي
" لوي انت لبست الجزمه بتعمل ايه دلوقتي" هاري سأل لوي
" بصور رجلي للفانز" لوي رد عليه
" هما المساكين دول مستحملينك ازاي؟" هاري سأله
" اصور رجلي احسن من انني مصورش خالص زي
ناس كده شعرها بني و عينيها خضرا ، خايف من
الحسد ياض؟ " لوي رد عليه
هاري سابه ومشي
" نايل خلصت؟" ليام سأل نايل
" لا لسه" نايل رد عليه
" لسه ازاي بس يا بني ما انت بتاكل الساندوتش اهو " ليام رد عليه و شاور علي الساندوتش
" ما لسه هعمل كمان واحد " نايل جاوبه
" هو احنا رايحين رحله مدرسه يا ابني يا حبيبي هنروح المول نجيبلك بدله و نرجع البيت كُل زي ما انت عايز" ليام إتكلم
" يعني مش هنطول هناك؟" نايل سأله ببراءه
" لا يا نايل مش هنطول يلا بينا بقي " ليام رد عليه و سحبه و كلهم طلعوا علي المول
- غرفه قياس الملابس بالمول
لوي واقف قدام الباب " يلا بقي يا عيال يلا يا متأخرين يا بهايم انتوا
نايل بيعدي من بابه
" شكلك حلو يا نايل القميص المخطط ده معاك من الحضانه؟" لوي قال لنايل وهو بيعدي الباب
ليام بيعدي من بابه
" ليام انت فاهم ان الواتباد ده مش حياتنا الحقيقيه وانه مش لازم يأثر عليك صح؟ ليه بقي كل ما تخرج بتكون كأنك طالع من ستوري باد بوي!؟ إتلم يابني يا ابني وجيبلك قميص يسترك مش ده ابو زرارين"
ليام عدي من الباب و ضرب لوي برجله
هاري بيعدي من بابه
" هاري حبيبي ولا استني هاري مش حبيبي عشان اللاريز وكده مش ناوي في يوم، يوم واحد في حياتك تلبس زي الناس؟"
هاري سابه و مشي.
______________________________________
هايي
إيه اكتر جزء عجبكم؟
إنجويي
Bạn đang đọc truyện trên: AzTruyen.Top