تمت ثنائية أمنية النجوم!✨

صراحةً كان المفروض تكون من جزء واحد بس ونهايته سعيدة، لكن بعدين جاني اكتئاب دراسي وقررت أقتل إيلر وصدمت الكل والجميع، بعدين صديقتي صاحت علي وترجتني أكتب جزء ثاني وما اقدر أقول لها لا يعني سو 🌚

خططت للأمنية الثانية قبل ما أكمل أحلام، وتحمست أكتبها لأن فكرتها بتكون شوي معقدة أكثر من الأمنية الأولى.
كان المفروض اني انشر فصل واحد كل يوم واخلي الرواية تنتهي في تاريخ ٢٠ يناير ٢٠٢١ عشان تمر سنة كاملة بالضبط عن الأمنية الأولى وتصير حلقة كاملة، لكن حسبتها غلط كالعادة وجبت العيد شوي لكن اصلًا عادي بعد شهرين محد بيعرف الموضوع😂😂 (بشيل هالجزء بعد من ملاحظة الكاتبة هيهيهيهيهيهي)

كتابة الأمنية الثانية ما كانت صعبة لكن كانت شوي متعبة؟ مادري شنو الكلمة المناسبة صراحة بس يعني كنت أكتب الفصول لما افضى ويجيني الهام، ووقفت لما صار عندي فصول كفاية، بس بعدين اكتشفت ان في الحقيقة ماعندي فصول كفاية وان صارت فترة الامتحانات ومايمديني اكتب، وبعدين خلصت الامتحانات ومخي قرر يحترق ومايفكر في اي شي وطولت بزيادة لين قدرت اكتب الفصول وتأخرت في نشرهم وصارت سالفة بايخة، وبعدين انشغلت في حياتي الواقعية وصار ماعندي وقت اكتب بقية الفصول ويخ يخ يخ يخخ ياخي شهالمعاناة 😂😂😂😂

المهم اني لما كتبت جبتر ٢٣ مخي صدق وقف وقلت باخذ بريك وبكتب ٢٤ اليوم الي بعده فبينزل متأخر، لكن سحبت على موضوع البريك وكتبت ٢٤ في نفس الوقت وكملته بعد اربع ساعات وصحت لان كان حده كئيب (لكن عجبني) ونمت ☻

ما ادري لاحظتوا ولا لا بس قبل ما إيلر تسترجع ذاكرتها كانت تقول لجيمين جمل قالتها له من قبل، هالجمل قالتها لأن في اشياء محفورة في ذاكرتها وحتى هالغيبوبة ما قدرت تطيرها (ما ادري هالشي يصير في الحياة الواقعية ولا لا)

+ قلت لكم من البداية ان تنتبهون على التواريخ لاني كنت ابيكم تلاحظون ان جيمين تمنى الأمنية (مقدمة الأمنية الثانية) وبعدين رجع البيت وتوهم إيلر للمرة الأخيرة (اليوم ٢٠١٢ من الأمنية الأولى) وإيلر قامت من الغيبوبة في نفس اليوم (حصلوها نهاية سبتمبر والممرضة قالت لهم انها قامت من شهرين)

المهم اني كنت ابي اسوي حركة ان إيلر حتى وهي في غيبوبتها قدرت تتواصل مع جيمين بطريقة او بأخرى (الموضوع خيالي بحت، ما أعتقد يصير في الحياة الواقعية)، والكلام الي قالته له وهي في الغيبوبة قالته له مرة ثانية لما استرجعت كل ذاكرتها (الفصل ٢٤)

الفصل ٢٥ حسيته كان ممل لأنه يتكلم عن الي صار في المحكمة بس، وصراحة ما اعرف شلون سستم المحاكم بالضبط فما اعتقد كتبته صح اصلًا 🌚💔

آخر فصل ماعجبني وايد، كنت أبيه يكون احلى بوايد من جذي لكن مخي عطاني احلى خيانة وصارت نهاية عادية بدل ما تكون نهاية سعيدة وحلوة وفرفوشة😂

الفصول الي جيمين كتب فيها رسائل لإيلر هي من الفصول الي تعجبني وايد (٤ و٧) لأني أحب أكتب بهالطريقة مادري ليش، حتى أسلوبي في ٢٤ وايد عاجبني😂😂😂، وكنت أحب لما أكتب مشاعر جيمين لما يشوف وحدة تشبه إيلر، وصدمته لما شاف إيلر في المستشفى أول مرة🌚

تايهيونغ هو الي كان دوره أبرز في هالجزء، كوك كان مختفي لأنه في الشغل مسكين، كنت ابي اخليه يكون موجود في الأحداث اكثر لكن ما عرفت ادخله وايد صراحة، شخصية تايهيونغ اسهل اتعامل معاها وادعسها في اي مكان ابيه هيهيهي

فكرت أكتب فصل خاص لكن الله أعلم هل بكتبه ولا لا، واذا كتبته بنشره ولا لا.
جتني وايد مطالبات ان اخلي لجيسونغ اخت او اخ اصغر منه، لكن هل بتجاوب مع هالمطالب ولا بسحب عليها🤔
(اذا تجاوبت مع المطالب بخلي الفصل الخاص قبل ملاحظة الكاتبة لما انشره، فالي بيقرون من المستقبل بيكون وضعهم حلو وهم يدرون اني استسلمت😂😂😂)

المهم
أعتقد اني بوقف تأليف مؤقتًا. عندي روايتين بترجمهم وأعتقد اني بترجمهم وبنشرهم وبعدين يمكن ارجع انشر لكم خيالي الواسع هني🌚

عندي وايد أفكار صراحة لروايات جديدة لكن ما ادري اذا كنت بضبطها او لا، وما احب اكتب شي واحس اني مو ضابطته، وما ادري اذا الجامعة بتدعسني الكورس الجاي ولا لا فأخاف اني اجازف🌚. في فصول في الأمنية الثانية نشرتها مع انها مو وايد عاجبتني لكن في النهاية الناس اذواق يمكن انتوا تعجبكم، الله أعلم😂😂.

أتمنى أن ثنائية أمنية النجوم عجبتكم، وأتمنى ان الأمنية الثانية عجبتكم. بالنسبة لي حسيتها أحلى من الأمنية الأولى، يمكن لأن فيها مشاعر أكثر الله أعلم.
اذا عجبتكم طرشوها لربعكم وسووا لي دعاية 🌚✨

في النهاية ابي اقول لكم انكم اذا حسيتوا بالحزن او بالاكتئاب او اي شي من هالقبيل تكلموا مع أحد، مو لازم يكون شخص مختص، بيكون كافي انكم تفضفضون الي في خاطركم لشخص توثقون فيه. اتمنى انكم تكونون بصحة وعافية وتعيشون حياة حلوة وسعيدة 💙✨

شكرًا على الدعم الي قدمتوه لأمنية النجوم، وشكرًا على تعليقاتكم الحلوة💙✨
أتمنى إذا قريتوا رواياتي الثانية إنها تعجبكم💙✨

إلى لقاء آخر💙
- هازو
٢٢ يناير ٢٠٢١