مرحبا جميعا
كيف حالكم واسفة اني تأخرت
.
اليوم رح احكيلكم عن الحلم اللي حلمته
هو غريب لكن مضحك شوي
و الاغرب انو ون دايريكشن كانوا في الحلم

يلا نبدا
**ملاحظة..الحلم ثلاث اجزاء...ما تسألوني ليه انا نفسي مش عارفة
ههههه
.
.

الجزء الاول:
 
  كنت واقفة امام البيت..رايت اختي تجلس على هيكل البيت البلاستيكي
* بتعرفوه هاد اللي بزرعوا فيه في فصل الشتاء..بس كان الهيكل بدون البلستيك..يلا كملوا** وكانت تمسك شيئا بيدها ... ركضت لها بسرعة
وكان ون دايركشن يركضون معي *ما تسألوني من وين اجو لاني ما بعرف*

وصلت عند الهيكل وكان هنا العديد من الغربان ولكنها طارت..نظرت الى اختي التي تجلس فوق الهيكل وكانت تحمل غراب بين يديها لكن قدماه مربوطان *اقدام الغراب يعني* فجأه وجدت نفسي اجلس بجانبها انا و زين مالك *ما تسألوا * ...اخذ زين الغراب و فك قدماه المربوطان وطيره

بعدها وجدت نفسي في البيت...
*ننتقل للجزء الثاني**

الجزء الثاني:

   وجدت نفسي في البيت..بعدها صعدت على الدرج المؤدي للطابق الثاني
*بيتنا طابقين* صعدت الدرج حتى وصلت لباب الطابق الثاني وكان مغلفا بالبلاستيك *بتعرفوا البلاستيك الازرق اللي بكون على الابواب لما تكون لسا جديدة* ...
ازلت البلاستيك عنها ثم فتحت الباب لاجد هاري ستايلز واقف وراء الباب
*ههههه انا عن نفسي ما بعرف ايش كان يعمل ما تسألوا*
ثم خرج و صعدنا الدرج المؤدي لسطح المنزل *يعني لقيت هاري ورا الباب و بعدين طلعنا ع السطح انا وياه ..اتمنى فهمتوا*
وصلنا لباب السطح..وكان ايضا مغلفا بالبلاستيك فأزلته وخرجنا للسطح انا وهاري وكان لوي توملينسون و ليام باين على السطح *هههه كملت*
*بدي احكيلكم ملاحظة عشان تكملوا عليها: في على سطح بيتنا زي غرفة
صغيرة"مظله" جدرانها من زجاج تقريبا و عشان نطلع على سطح هاي الغرفة بنطلع على سلم..اتمنى تكونوا فهمتوا*

ذهبت للمكان الموجود فيه السلم لكي ازيله كي لا يصعد عليه اخوتي الصغار ...عندما امسكت به اتى لوي بسرعة و امسكه وقال:يااي سلم..
*ههههه والله العظيم هيك حكى..انتوا بس تخيلوها بصوت لوي ههههه*

اخذ السلم وعدله وصعد عليه..كنت ساوقفه لكني وجدت ليام يصعت خلفه
*بالمناسبة هم طلعوا على سطح الغرفة اللي عسطح البيت..بعرف معقد
بس حاولوا تفهمو *
قلت لهم : يلا انزلوا قبل ما ييجي ابي وبعدين بعصب ..ولكن لا حياة لمن تنادي *هيك كان الحكي في الحلم  لهجة عامية*
بعد ثواني بدأت تمطر وكان لوي فاتحا ذراعيه لاستقبال المطر..
*شكله كان تماما مثل اغنية Best song ever و كان نفس الملابس و الشكل و كلشي*
ناديت عليهم مجددا ثم نزلا... كنا سننزل عن سطح المنزل قبل ان يأتي ابي ولكنه بالفعل كان قد اتى...لم يقل شي فقط التف و اعطانا ظهره و اكمل عمله الذي لا اعرف ماهو...
ثم نزلنا انا وهاري و لوي وليام ...لكن عندما وصلت لمنتصف الدرج وجدت نفسي في مكان اخر....

*الان رح يبدأ الجزء الثالث والاخير ههههه*

الجزء الثالث:

    كنت في مكان ما اجلس مع صديقتي و ابنة عمي *بنت عمي بنفس عمري وفي هاد الجزء من الحلم كنا في رحلة مدرسية*
قالت ابنة عمي: يلا نروح نشتري اشي قبل ما نروح
وافقنا انا و صديقتي وذهبنا ....صادفنا محل يبيع العطور و الاكسسوارات
و الشغل هاد فدخلنا..
بدأتا هما بشراء بعض الاشياء وانا فقط اقف هكذا لا اريد شراء شيء فقط اتيت معهما بسبب الملل ....
ثم ذهبتا لقسم العطور و انا وقفت معهما وانتظرهما و اتجول في المحل بعيني...
لكن رأيت احدا يقف في غرفة صغيرة في الرواق و كان هناك يقف شخص ما لا اعرف ماذا يفعل و لا ارى وجهه *يعني معطينا ظهره*
ثم انتهين صديقتي و ابنة عمي من قسم العطور و ذهبنا لقسم اخر لكن في نفس المحل..
ثم سمعنا صوت تحطم شيء ...التفتنا وكان نايل وقد اوقع علب العطور عمدا وكان غاضبا *هههههه...بالمناسبة كان لابس زي في برنامج 1D Day اذا بتعرفوه..تيشيرت ابيض وكان صابغ شعره نهدي يمكن*

ذهبنا عنده *انا وصاحبتي وبنت عمي*
سألته:شو في؟
قال:قال اشتريت هاد العطر من هناك*قال وهو يؤشر على المكان* بسعر عادي..بس اجيت اشتري نفس العطر من هان و بدهم يعطونياه بسعر اغلى!!  *ههههههههعه عارفة سبب سخيف مثلي صح..اه والمكان اللي اشر عليه نايل كان بنفس المحل..تحشيش هههه*

فجأه كنا *انا وصاحبتي وبنت عمي ونايل*حول طاوله مستديرة وعالية
وكان امامنا رجل ضخم..ليس عضلات بل سمين زيادة عن اللزوم..
اتى و وضع كتاب ضخم امامنا على الطاولة *قال زي افلام الخيال هههه*

فتح الكتاب على اول صفحة و يبدو انه لم يُكتب به شيء بعد..
امسك القلم الذي على شكل ريشة وقال: بكتب لكم مخالفة بسبب اللي عملتوه في المحل..
قلت بسرعة: واحنا شو دخلنا *يعني انا و بنت عمي و صاحبتي و ان احنا ما عملنا شي ونايل اللي عمل*
فقال الرجل: انتوا كنتوا موجودين ..*الله ياخذك الحق علينا دخلنا نشتري منك مكنت استرزقت منا هههههه بمزح خلص كملوا*

اخذت افكر..الان سيعطي المخالفة للمعلمات*تنسوش في هاد الجزء بكون في رحلة مدرسية* و المعلمات سيخبرن امي و امي ستقول ان الحق علي
و بدا بكتابة اول كلمة ..وفجأة اتت لي فكرة جهنمية *هههههه امزح امزح*
اتت لي فكرة رائعة..اظهرت وجه الجرو الحزين *ههههههه والله هيك صار بس هاد حلم يعني عادي ههههه* ونايل فعل المثل ايضا *هههه يا الله تخيلوا كيف شكله هههههه*
رأيت ان الطريقة نجحت و بدا قلب الرجل يحن وبدا يغلق الكتاب ببطىء
فرحت وقلت بدون ان اشعر: ييسسس .. فعلم الرجل بالخطة وغضب و فتح الكتاب بسرعة و اراد ان يكتب المخالفة...لكن تداركت الامر و اعدت وجه الجرو الحزين انا و نايل مجدد..
و يبدو انه سهل الخداع...لان تعابير وجهه تغيرت و بدأ يغلق الكتاب مجددا لكن هذه المرة بتردد.. سحبت الكتاب عن الطاولة بسرعة كي لا يفتحة مجددا و يكتب المخالفة...
كنت احمل الكتاب بكلتا اليدين *هههه صح انو حلم بس متذكرة شكلي بضحك كان ههههه*
قال: اذا بدكم خذوا الكتاب ما بدياه و ما بكتبلكم مخالفة..*نجحت شايفين مشطرني ههههه خلص كملوا*
ذهبت لاعطي الكتاب لصديقتي فمدت يديها لتأخذه و لكن تراجعت واخذت الكتاب *هههههه فشلتها*
ظننت انه لا بأس بأن املك كتاب كبير ....وجدت ان صديقتي و ابنة عمي قد خرجتا من المحل *هم اصلا نذلات دايما بعملوا فيي هيك هههه*

خرجنا انا ونايل من المحل *حتى انا ما بعرف شو طلعه معي هههه*
عندما خرجنا كنت في الطريق المؤدي لبيت خالتي لكن لم اهتم
*انتو ما تهتمو كمان مجرد حلم*
كانت ابنة عمي و صديقتي تسبقانني بمسافة لكني لا زلت اراهما
و انا امشي في الطريق و احمل كتابا ضخما و نايل الذي بجانبي
لم يعرض علي المساعدة في حمله *حيوان.... هههههه امزح امزح*

النهاية
.
.
اغرب واسخف حلم صح
اتمنى انكم افهمتوا منو اشي

هههه زين في الجزء الاول.. و ليام لوي و هاري في الثاني
و نايل في الثالث

صح انو غريب بس المهم ون دايريكشن في الحلم هههه

انا المهم بكونوا موجودين
مرة حلمت انو رحنا اشترينا تذاكر لحفلة ون دي و جهزنا كلشي
هم ما طلعو في الحلم شخصيا
بس المهم انو ريحة ون دايريكشن في الطبخة
ههههههه التشبيه قوي هههه
.
.
اكتبولي في تعليق الحلم اذا حلمتوا في ون دي
و اذا لا اكتبوا اغرب حلم حلمتوه..
و ايش اكتر جزء عجبكم في حلمي الامانة ههههه
.
.
انا عن نفسي كل احلامي شوربة و ملوخية
غريبة يا اخي
.
يلا مع السلامة طولت عليكم
❤❤