1
صالحه:و عليكم السلام، هلا والله بأخوي
....
صالحه:وش، جاي عندنا؟ يا اهلا و سهلا، بتنورنا والله
....
صالحه:جاي بكره؟ أكيد نحنا بانتظارك، توصل بالسلامه
إن شاء الله.
.....
صالحه:باي، مع السلامه
و سكرت السماعه و التفتت لعيالها
اللي عددهم خمسه ثلاثه أولاد و بنتين
قالت صالحه:بكره جاي خالهم، ابيكم تستقبلونه
أحسن استقبال، سمعتوا؟
عيالها الخمسة :سمعنا!
في بيت فاطمه و هو المعقل الوحيد للحريم
كانت فاطمه في مكانها المعتاد قدام الجدار
يعني كانت مستنده ع الجدار و حولينها الحريم
و كانوا يسوالفون
لما دخلت صالحة و سلمت على صديقاتها و جلست
قالت شذى:ما سبب التأخير لهذه الليله؟
قالت صالحة و هي متحمسه:عندي لكم خبر يهد بلد.
قالن الحريم بصوت واحد:يا لطييييف!
قالت نورة السوداء:وشو ها الخبر اللي يهد بلد
على قولتك؟
قالت صالحة:أخوي جاي بكره!
و ابتسمت ابتسامه عريضة و وزعتها على صديقاتها
قالت عايدة بسخريه:باااااااس،فكرت في موضوع أهم.
قالت صالحة:ما في شي أهم من جيت أخوي عندي.
قالت فاطمة:حياه الله، والله خبر حلو.
قالت شذى:ايش رأيكم نصور أخوها و نحطه على
قراطيس الكاكاوات و نوزعها على أهل الحي.
قالت صالحه بغضب:أقول لا تتمسخرين!
قالت فاطمة:لا تشنوا الحرب عندي، اطلعوا برى
إذا تبون تتحاربون.
قالت لها شذى:إذا جهزي لنا السيوف و التروس و الدروع، لأن الحرب على وشك البدء.
قالت نوره و هي تأشر على شذى:جاكم أبو جهل.
قالت عايدة:و أكيد بتسوون عزيمه بمناسبة جية أخوك؟
قالت صالحة:مدري، بشوف لابو فهد ايش بيقول.
قالت نورة السودا:أقول، ش اسمه أخوك؟
قالت صالحه:هذا أخوي الوحيد ثنيان.
قالت شذى:ثنيان و ربيعان.
و هزت رأسها تضحك
قالت فاطمة:نكته سامجه ما تضحك.
سكتت شذى
قالت عايدة:صويلحه، أخوك وين ساكن؟
قالت صالحه:ساكن في خميس مشيط.
قالت منيره:يا حظه، يا ليت أبو صالح يرضى إننا
ننتقل خميس مشيط.
قالت فاطمه:متزوج؟
قالت صالحة :متزوج أربع.
قالت منيره:حسسسسبي الله عليه، متزوج اربع
ليش؟
قالت صالحه:وش دراني أنا.
قالت عايدة:بيجي وحده ولا مع حريمه؟
قالت صالحه:تصدقين نسيت اسأله.
قالت نوره الطويله:لأنك مفهيه.
دق الباب:
قامت فاطمه مثل ما يقومون العجايز
و لما وقفت مثل الأوادم و لفت لقت شذى افتحت
الباب و دخل ابن صالحه اللي هو فيصل اللي عمره
ست سنين و قال لشذى:ممكن ادخل؟
قالت شذى:أنت الحين في وسط البيت.
ابتسم الولد ابتسامه عريضة
ثم قال:يمه، يمه!
أختي شيخه تقول إنها ما لقت اسفنجة المواعين
و أختي فالحة تقول وين صابون الغسيل؟
قالت صالحة:اغسلوا مخك بصابون تايد قل آمين.
و قامت و قالت:اترخص بروح بيتنا.
قالت شذى و هي تهز أكتافها و هي تضحك:ندري إنك
بتروحين البيت، أجل وين بتروحين المشغل.
ضحكت فاطمة
و خرجت صالحة من البيت و هي تدفع ابنها
قالت نورة:و أنا بروح اتابع مباراة الهلال و النصر.
قالت عايدة:أما، المباراة اليوم جعلك ش قول ورا
ما قلتي لي، انطريني جايه معك لأن تلفزيونا خربان.
و فحطت هي و نوره
قالت منيرة:مدري اش حببهن في المباريات
احس أنواع الحريق، بس يحرقون اعصابنا، كأنه
مسلسل تركي مدبلج و في النهاية صفر لكلا الفريقين. قالت فاطمة:خليهن يتابعن المباراة اش وراهن.
قالت منيرة :و أنا رايحه ارقد.
ضحكت نورة:الحين ترقدين الساعه ما صارت سبع و أنتي تبين ترقدين ترى حتى الدجاج ما سواها.
قالت شذى:شكلك الحين راقده و إنك راسمه
عن النظاره عيونك على أساس إنك صاحيه.
ضحكت فاطمة
أما منيره فطنشتها و راحت
في اليوم التالي:
الساعة تسع الصباح
كانوا كلللهم ببيت فاطمة
و العيال صالحه كانو بالشارع لما شافوا خالهم
و ركضوا لما بيتهم لكنهم شافوا اختهم فالحه
قال لها فيصل:وين أمي؟
قالت فالحة:أكيد بتكون عند فاطمة الدبه.
و جرى فيصل و فهد و فايز
لما بيت فاطمة و كسروا الباب
ضحكت شذى أما فاطمة اتشنجت
قال فايز:يمه يمه، جا خالي عفيصان.
قالت نوره السودا:اش قال فايز؟
قالت صالحه و هي منحرجه:قال إن أخوي ثنيان جا
قال فيصل:أي ثنيان يمه، حنا ما عندنا الا خال واحد
اسمه عفيصان!
نطت صالحه من الخوف
و قالت:اترخص بروح بيتنا.
و قامت و طلعت من البيت و هي تدفع عيالها
خارج البيت و ضحكن الحريم عليها
ثم اتصلت فاطمة و قالت:ألو، نجار الفريج تعال صلح باب بيتنا لأنه انكسر.
____________________
آسفه ع التأخير...
و إن شاء الله يعجبكم
من زماااااان صراحه إني انزلها بس ترددت
لكن هذي المرة صممت إني انزلها
فقولوا لي بكل صراحه
ايش رأيكم فيها؟؟
و يعطيكم ألف عافيه
B-)
Bạn đang đọc truyện trên: AzTruyen.Top