ما توقفي مشان حدا!
عمرك شفتي شب ترك تعليمه عشان يتزوج !
عمرك شفتي شب بطل يلبس الشي الي بحبه مشان يتزوج!
عمرك شفتي شب كان ناجح ولامع وحياته بتجنن، واتخلى عن نجاحه عشان يتزوج!
عمرك شفتي شب قبل يتزوج بنت عندها علاقات سابقة مع شباب بس لانه اهله حكولوا هالبنت رح تسعدك !
عمرك شفتي شب ترك شغله مشان مرته بتغار!
ما شفتي ولو شفتي عدد قلليل جدا
مش لإنهم الشباب عاطلين، لا لإنه هم فاهمين الحياة صح، فاهمين الزواج انه مسؤوليتهم ،وقرارهم، وهم الي رح يكملوا حياتهم، وانتي مفهمتيهم بتنازلاتك وضعفك انك لازم تتخلي عن حلمك وطموحك ومستقبلك بحجة الغيرة او العادات والتقاليد او مشان يكون زلمة!

توقفيش عشان حدا غير حالك، لما تتزوجي وتكوني ناجحة بشغلك.، وتجيبي طفل وتحسي انك قصرتي بتربايته مش غلط تتركي شغلك لتربي ...
ولما تتزوجي وتكوني ناجحة بشغلة، وزوجك بغار من الرجال الي حواليكي، مش غلط تمسك بايده وتحسسي انه مش شايفة غيره

ببساطة بدل ما تغيري حياتك اتصرفي بذكاء شوي مثل ما بعملوا الرجال بالزبط

#هديل_قاسم

لا تدمري حالك بالحب، لا تسلمي قلبك لشخص مش قادر يحافظ علي، لا تستنزفي طاقتك كلها مع شخص بستاهلكيش ؛ وتقضي طول عمرك ضايعة وخايفة، السند الحقيقي بحياتك هو انتي، واكيد مو كل الرجال متل بعض  في رجال ما في احسن منهم
بس من اولها لشو تظلمي حالك !
العلاقة الي بتغيرك من بنت مرتاحة بحياتها لكابوس اقطعيها من اولها من اول كابوس حقيقي بتقابلي فيها

#هديل_قاسم