Author

Arthur jab tak waha pohncha sab kuch khtam ho chuka tha. Jo mansuba usne aur Nooran ne mil kar bnaya tha vaisa kuch bhi nahi hua.

Na hi use waha Henry mila aur na hi kisi krantikari ki lash. Waha thi to bas kuch British sipahiyon ki lashe.

“Bloody hell!” Arthur ne gusse mein ek lash ko laat mari.

Kyunke uska promotion ka sapna jo ab adhura rehne wala tha.

Haa, sahi suna apne. Nooran use yehi khwab dikha kar toh apne kaam us se karwa rahi thi.

Arthur ko mohra banane ke piche ek khas vajha thi. Wo na sirf Henry ka junior tha par uski bahut izzat bhi karta tha, bahut kareeb tha uske. Isi liye wo Henry ko aisi chot pohnchana chati thi jo use sab se zyada takleef de.

Heer ka parda fash hone se to Henry ka tootna nischit tha hi, isi liye wo Henry ko yahan tak lai. Henry yahan aya nahi tha, use yahan bheja gaya tha Arthur ke dwara shadiyantra kar ke, aur phir Nooran Arthur ke zariye Henry ko aur todna chahti thi.

Aur apni mahatvakanshaon mein andha hua Arthur uski har baat mein dubta chala gaya aur usne apni itna pyar karne wali biwi Elizabeth tak ko dhoka de diya.

Dupehr mein jab Heer Radha ke piche piche yahan tak pohnchi thi toh Nooran ne use dekh liya tha aur wo itna toh Heer ko janti hai ke Heer dubara yahan zarur aegi aur Arthur ko dekh kar to ab paka aaegi kyu ke Elizabeth aur Heer ki jo bhi baat hui thi wo use pehle hi Radha ke zariye pata chal chuki thi.

Nooran ke paas to ab moka khud chal kar aya tha jise wo har hal mein gawana nahi chahti thi.

Toh usne Arthur se jane se pehle kaha tha, “Sarkar, raat ko apne sipahiyo ko lekar aa jaiyega yahan aapko krantikari bhi milenge aur unki madad karne wale Colonel bhi range hathon milenge. Aap unhe giraftar kar lijiye ga aur phir apki tarakki hone se koi nahi rok skta. Ye hukumat apke kadmon mein jhukegi.”

Lalach aur vasna mein dube Arthur ke dimag mein ek baar bhi nahi aaya ke akhir Krantikari Nooran ke ghar kaise milenge. Wo to bas bewakoofon ki tarha Nooran ki har baat manta yahan pohnch gaya par uske hath kuch bhi nahi laga.

“Where the hell is she?” Wo gusse me waha se nikalne hi wala tha ke tabhi piche se Nooran aur uske sath Radha aayi.

Radha ko dekh Arthur thoda chonka kyu ke usne use Henry ke ghar mein dekha tha.

“Where were you? And where is everything you once promised me? Where are the revolutionaries you spoke of with such fire in your eyes?” Arthur gusse mein til mila raha tha.

Nooran ek mandir muskan ke sath kadam badha uske paas badhi aur uske kandhon se bazuon tak dheere dheere apne haath firane lage.

“Mere sarkar, sabar kijiye. Sabar ka fhal bahut meetha hota hai.” Nooran ne apni adaon se use rijhate hue kha. “Ho gayi kuch batein yahan par iska matlab ye hargiz bhi nahi hai ke hume humara mukam hasil nahi hoga. Filhal ye chota sa nazrana qubool kijiye.”

Nooran ne jab ye kaha to kisi ko kuch samajh nahi aaya par jaise hi usne ek kadam piche hatkar Radha ko kheench kar Arthur ki aur dhakela.

Radha is se pehle kuch samjh skti Nooran ke agle shabdon ne uske paun tale se zameen kheench li.

“Ye Krantikari le jaiye aur iski sathi yani iski malkin apko colonel ke ghar mil jaegi jise colonel khud meri aakhon ke samne se yahan se ghaseet kar le gaya hai aur ab tak shayad use bhagane ki ya uske sath bhagne ki taiyari mein hoga. Jaiye aur jakar pakad lijiye unhe.”

“Jiji, aap ye kya keh rahi hai?” Radha ne ghabrahat mein chilana shuru kar diya par Arthur ne uski kalai tham use waha se bhagne nahi diya.

“Is that true?” Arthur ne Nooran se pucha.

“Ji…..”

“NAHI! NOORAN JIJI.....” Radha chilai, par is se pehle wo kuch aur keh skti, Nooran ne use zor dar chamata mar chup karwa diya.

Radha apne gal par hath rakh Nooran ko hairani aur khauf bhari nigahon se dekh rahi thi.

“Krantikari hai ye aur ye sara loot ka saman bhi usi ne Heer ke saath mil kar yahan chupaye tha. Main Heer ki bachpan ki saheli thi aur usi ka faida utha kar wo ye sara loot ka saman mere ghar mein chupa rahi thi. Par meri vafadari to sirf apse hai.” Nooran ne Arthur ke karib jate hue kaha.

Radha ko toh yakeen hi nahi aa raha tha ke Nooran ne use yun chara bna diya. Par use is baat ka andaza pehle hi hona chahiye tha jab Nooran apni bachpan ki behn jaise saheli ko dhokha de sakti hai toh wo kya cheez hai.

Radha ab tak Nooran ki baton ke andhere mein thi par ab use sab kuch saaf saaf nazar aa raha tha. Ye sirf inquilab ki jung nahi thi Nooran ke liye.

Wo toh bas apni nafrat aur ranjish mein andhi ho kar jo usne gawaya kisi aur ko bhi un khushiyon mein khush nahi dekh pa rahi hai.

Arthur ne Radha ko sipahiyo ke aur dhakela aur wo ladkhada kar zameen par gir gayi.

“Take her away and enjoy yourself, but keep her alive.”

Arthur ki ye baat sun kar Radha ghabra gayi aur zameen par rengte hue piche ki aur khisakti rahi tabhi ek sipahi ne akar use uske balon se kheenchne laga.

“Nooran jiji, aisa gunah mat karo. Nooran jiji! Apko Allah ka wasta!” Radha chilati rahi par Nooran tas se mas na hui aur ek halki si muskurahat ke sath dekhti rahi jab tak ke wo log Radha ko ghaseet kar le na gaye.

Arthur ne apni topi pehni aur Nooran ke lab chumte hue kha, “As for me, I’ll deal with the Colonel and his precious wife. Once I bring them in, my promotion is guaranteed, and then we’ll no longer need to hide in the shadows. I’ll make you my lawfully wedded lady, and the world shall watch us rise.” Aur wo waha se chala gaya.

Uske jate hi Nooran apne labon ko uske dupatte se ghin mein ragadne lagi. “Bas kuch pal aur, Shafaq. Bas kuch pal aur. Phir wo Henry bhi aise hi tadpega uski aulad ke liye jaise main tadpi hun.”

Radha toh hamesha se ek mohra thi jise wo chara toh aaj Henry ke samne hi bnana chahti thi par na jane kaha se aein moke par Jenab bibi aa gayi thi warna usne sara mansuba bahut soch samjh kar hi bnaya tha.

Radha ko jhoothe sache wadon mein fasa kar Heer aur baki sab sathiyon se daga karne par uksaya.

Phir loot ka sara saman Radha ke zariye yahan uske Lahore wale ghar mein rakhwaya taki wo Heer ko fasa sake aur Henry ko chot pohncha sake.

Jab Radha chupte chupate loot ka saman surakshit jagah se yahan la rahi thi tab use Jenab Bibi ne dekh liya tha aur isi liye wo uske piche yahan tak aayi thi aur Nooran ka sara khel achanak se palat gaya.

Isi liye usne Arthur ka vishwas khud par kayam rakhne ke liye ab Radha ko use sonp diya.

Nooran ki nafrat, uska gussa, sab apni jagah jayaz tha, par usne apni nafrat mein jo apni behn jaise saheli ki khushiyon ko dekh jalan mein pagal ho gayi hai, wo galat hai.

Heer ne bhi sab kuch gawaya tha. Usi ki tarah bas fark itna hai use uske gham mein sambhalne wala uske sath tha. Jisne uska bharosa bahut mehnat se jeeta hai.

Toh unki kareebiyon ko dekh ya unhe Khush hota dekh unse yun jalna bewakoofi nahi pagalpan hai.

Uske hisse ki jo khushiyan chin gayi hai wo kisi aur ki khushiyon ko cheen kar kabhi wapis nahi aa sakti.

Nooran ne apna bacha khoya; is mein Heer ya Henry ka koi dosh nahi tha. Chalo agar maan bhi liya Nooran ko sab Angrezon se nafrat hai, jo ke honi bhi chahiye wo maut ka manzar dekhne ke baad, toh ismein Heer ke bache ka kya dosh jiski wo is duniya mein ane se pehle hi dushman ban baithi hai?

Wo bacha toh masoom hai, use bhala sahi ya galat ka kya farak maloom?

Heer aur Henry ki khushiyon ko dekh jalna aur apne gham ka kasurwar unhe thehrana ye galat hai.

Sirf unse unki khushiya cheen kar ya phir sirf unhe chot pohncha kar Nooran ko kabhi uska inteqam nahi milega.

Shafaq aur uske bache ko gwane ke baad usne jab bhi Heer aur Henry ko sath dekha ya khush dekha use bas jalan hui jise usne badle ka naam de diya.

Kyunki jo kuch bhi hua usmein un dono ka akhir kya kasoor tha ke Nooran unhi ki khushiyon ki katil banane par atur hui hai?

Mana uska Henry par gussa is wajah se zyada hai ke Henry ne Sialkot mein Shafaq par goli chlani chahi thi par in sab mein phir bhi Heer aur uske bache ki kya galti ke Nooran unke khoon ki pyasi ban baithi?

Aaj agar Jenab bibi na aayi hoti toh Nooran ke pakke irade the Heer ke bache ko khatam karne ke.

“Jab tak Heer ke bache ko nahi marungi mujhe chain nahi ayega.” Nooran ne nafrat se kha asman ki aur dekhte hue.

Wahi dusri aur, Radha raat ke andhere mein nange paon apni izzat bachane ke liye un bhukhe darindon se bhagti phir rahi thi.

Andhera ghana tha, magar us se bhi ghana tha us darr ka saaya jo uska peecha kar raha tha.

Peeche se sipahiyon ke booton ki ghutan bhari aawazen uske dil ki dhadkanon se takra rahi thi. Unmein se ek ke haathon mein laltein thi, doosre ne apni talwar kamar se nikal rakhi thi. Teesra bas uske naam ko cheekhta jaa raha tha, “Radhaaa… Stop right there… No one is going to save you from us…”

Radha ke kapde phate hue the, zulfein khuli thi aur chehra mitti aur aansuon se bhara hua.

Uske paon tale ek nokila pathar aaya aur wo bhagte bhagte zameen par gir padi. "Aaah!" ek teekhi cheekh uske honthon se nikli jab wo muh ke bal gir padi. Gire hue jism par zakhm se lahu risne laga.

Wo pattharon aur jhaadiyon ke beech se khud ko kheech kar le ja rahi thi, kabhi zameen par ghutno ke bal, kabhi hatheliyon ke sahare.

Sipahi paas aa gaye the.

Ek ne uske haathon ko pakad kar jameen par daba diya. Dusre ne uski chadar kheench li aur teesre ne apni kamar se belt kholna shuru kar diya.

"Nahi! Reham karo... bhai ho tum bhi kisi ke... mujhe chhod do..."

Radha chilla rahi thi, kabhi gaadi aati saans ke beech bhagwan ko pukar rahi thi, kabhi maa-baap ka naam le rahi thi.

Par un sipahiyon par to hawas sawar thi, aankhon mein pyaas thi, jism par jaahilpan tha.

Unmein se ek uske kapdon ki akhri parat kholne hi wala tha, tabhi...

Ek zor ka dhakka pada aur wo sipahi zameen par gira.

Radha ne aankhon ke kone se dekha, ek aadmi un sipahiyon se takra gaya tha jaise aag mein koi toofan ghus aaya ho. Ek ko laat mari, doosre ko ghutne se zameen par dhkael diya aur teesre ke sir par chattan se patthar de maara.

"Hat jao uske paas se!"

Wo garja ek sher ki tarah tab Radha ne pehchana uski awaz se ke wo kaun tha.

Sipahi hosh sambhalte usse pehchan paate usse pehle hi unke hosh ud chuke the.

Radha ne apni aansuon se bhari aankhon se upar dekha.

Uska chehra pehle dhundhla tha, par jaise hi wo uske paas aaya aur jhuk kar uska haath pakda, Radha ki saans mein saans aayi.

"Radha... Radha, tum theek ho?"

“Gurbaksh bhaiya!” Radha ne rote hue use pukara.

Uska chehra mitti se bhara tha, aankhon mein aag thi, saansen bhari hui, magar aankhon mein chhupi thi woh parwah, woh kasak, jo sirf apne ke liye hoti hai.

Usne apni chadar utari, aur Radha ke jism par pyaar se daal di, us tarah nahi jaise ek aadmi ek aurat ko dekh kar karta hai, balki jaise ek rakshak apni maa ko dhak deta hai, ya behen ko suraksha deta hai.

Radha bas use dekhti rahi aur bhagwan ka shukrana karti rahi, aankhon mein aansu the, lekin iss baar sirf darr ke nahi, ek rahat thi, ek vishwas ke ab wo surakshit hai.

Gurbaksh use kuch nahi hone dega. Uski abru ki raksha karega.

Wo chadar uske liye ek laash ka kafan bhi ho sakti thi, par iss waqt wo ek nayi zindagi ka ahsaas thi.

Tabhi ek sipahi Gurbaksh ki aur badha aur usne use patak kar zameen par de mara.

Tab tak marta raha jab tak ke wo teeno mar na gaye.

Uski aankhon mein aag thi. Wo aag jo ab inki lashe bicha kar hi bujhegi.

“Gurbaksh bhaiya, chhode inhe aur jaa kar Heer jiji ko bachaiye.” Radha ne rote hue use ek sipahi ki lash se dur khincha bahut mushkil se.

Par Heer ka naam sunte hi wo sunn sa ho gaya.

“Heer? Kya hua hai Heer ko?” Usne pucha.

Uski aankhon mein chinta thi aur Radha ne sab kuch bataya use jo jo kuch Nooran ne kiya aur ab karne ja rahi thi.

“Mujhe yakeen nahi ho raha main sanp Paal raha tha. Meri naak ke niche wo itna sab karti rahi aur mujhe pata nahi chala?” Gurbaksh gusse mein garja aur Heer ki haveli ki aur bhaga Radha ko ek surakshit jagah par chod kar.

I know the chapter was short but it was necessary according to the story and I will try my best to give you another update today 🙏 😊