TANGING eksena sa isang simabahan lamang ang natitira sa memorya ni Charmaine kung saan siya'y nakasuot ng trahe de buda at naghihintay sa kanyang groom. Nagkaroon siya ng temporary amnesia matapos ang isang airplane crash kung saan siya nakasakay.

Ang unang nilalang na nakilala niya sa kanyang paggising ay si Dr. Dylan Lee, ang lalaking sumagip sa buhay niya. Maraming katangian ang binata na nagpapaalala sa kanya ng kanyang nakaraan. Utang niya ang kanyang puso kay Dylan, na inalagaan nito matapos siyang ma-operahan. Ngunit tila mayroon itong ginalaw sa puso niya kaya siya nakakaramdam ng espesyal rito.

Udyok nga ba ng kanyang puso ang nararamdaman niya, o baka naman sadyang bahagi ng kanyang nakaraan ang binata?