مرات بتتمكيجي بتلبسي تياب جديدة ،،
بتعملي شعرك بتحطي بارفان ريحة الياسمين الفايحة منو بتدبح ،،
مكياج كامل شعر اضافر ،،
بتطلعي ع المراية ،،
بتشوفي حالك بشعة ،، ميتة .. غبية!
بيجي مين يقلك جمالك !حليانة ! قمر !
بتكذبيه!
لاء عم يجامل مالي حلوة !
مع انك متميزة عن الشارع كلو بجمالك ،،
بتتذكري و بتصفني بحالك من سنتين كيف كنتي تمشطي شعراتك ،،
كيف ما تحطي غير كحلة ..
كحلة و بس !
و تصيري تتغزلي بحالك من كَمّْ الجمال يلي عم تشوفيه
و تحسي انك مالكة كلشي بهالدنيي ،،
بس هلا لاء !
شو تغير ! وين اللهفة ! بتعرفي ليه ؟
لأنك عم تشوفي حالك من جوا !
عم تشوفي كَـمّ التشوه يلي صار جواتك ،، حجم الشغلات يلي مكسرة فيكي ،، الشقف وين ما كان ،، كلو كلو جواكي تكسَر ،، تشوَه ! ما تركوا فيكي شي متل قبل ..
و الجمال يلي من برا كلو غير مرئي !
بتحاولي ترجعي شي ،، بتضعفي .. بتصفني .. و بتتذكري ..
انو هيديك البنت ما عادت انتي ،، و ما عادت ح ترجع ..
لأن يلي إنكسر ،،
ما عاد يتصلح ..
يا حلوة ...💚😏