|09|
| 05 نوفمبر، 2038.
شقة سيرشا، وسط ديترويت الغربي، الساعة 02:28 ظهراً |
- أنا معنديش مأموريات كتير النهاردة، في احتمال اني أرجع بدري.
- مفيش مشكلة، كدا كدا حستناكي. بس بطلب منك إنك تسمحيلي أغير لون حيطان الصالة؟ لأن لونها مش عاجبني.
- ولا أنا عاجبني لون الدهان بتاع البيت كله، أصلاً دي كنت شقة أختي قبل ما ترجع دبلن... لو عاوزة تغيريه أنا معنديش مشكلة، يمكن آجي أساعدك بعد ما أرجع من المأمورية إللي حطلعها.
- تمام، حنزل أشتري الألوان والفرش إللي حنحتاجها للتلوين. حتحددي ميزانية؟
- خدي الكريديت-كارد وهيصي. يلا سلام بقا حتأخر.
غادرت سيرشا المنزل إلى مركز الشرطة، أعدت أورا قائمة رقمية بالمشتريات ثم توجهت إلى متجر الدهانات لشراء أغراضها. وفي طريق العودة أسقطت إحدى علب الطلاء الصغيرة، أمسكها هو وجهر بنداءه لها، تنبهت والتفتت نحوه لتأخذ بضع خطواتٍ تجاهه.
| تفعيل وضع البشري. حجب التعرف على الشخصية. |
| الاسم: كونر. الموديل: RK800. الكود: #313 248 317 - 51. الوظيفة: محقق. مكان العمل: مركز شرطة ديترويت. |
| دا الأندرويد إللي كان فوق البرج. |
- حضرتك وقعتي دا.
- شكراً...
أردفت بينما سحبت علبة الطلاء من يده، كانت متوترة من أن يُعطل خوفها نظامها. ابتسمت وهمَّت بالرحيل، ليقاطعها بسؤاله الذي جعلها تتسمر في مكانها، تشعر بدلوٍ من الثلجِ يُسكب فوق رأسها فيصعق جسدها المرتجف.
- حضرتك شفتي أندرويد موديل HK400 معدي من المنطقة هنا؟
- لأ!... قصدي مشفتش أندرويد من النوع دا في المنطقة قبل كدا، المعظم بيجيبوا AX400 لأنها أشطر على حسب ما سمعت... حظ موفق في إنك تلاقيه.
التفتت عنه لترحل، فيجهر بصوته لها بشكره.
- شكراً، آنسة أرورا.
- عفواً... يا كونر.
تمكنت من العودة إلى منزلها، ولجت لداخله وأغلقت بالباب خلفها، كانت متوترة، بل مذعورة، شعرت بالرجفة في جسدها، وشيئا آخر غريبا يغلي في أوردتها. استعادت رشدها سريعا، ليتجه شون نحوها مستغربا من حالها.
- مالك يا أورا؟ وشك لونه متغير؟
- هو باين أوي عليا؟
- نسبيا. جبتي الألوان، صح؟
- أه... يلا نبدأ تلوين؟
---------------------------------------------------------------
عادت سيرشا إلى المنزل في السابعة بعد الغروب، وضعت حقيبتها على الطاولة فاستبشرت برائحة الطلاء التي تفوح في المنزل، تبعت مصدر الرائحة إلى غرفة المعيشة حيث تقوم أورا بطلاء جدرانها بمساعدة شون. خلعت سيرشا معطفها وجمعت شعرها الأحمر في ربطة لتبدأ الطلاء معهم.
- دهنتوا حاجة تانية من غيري؟
- لسة، بس كويس لحقتينا قبل ما نخلص الصالة.
- مقولتلكيش! في أندرويد جديد وصل للقسم عندنا. اسمه كونر، والكابتن جيفري وكله قضايا المتغيرين مع هانك. بس مقولكيش، قمر!!
نبست سيرشا فتوقفت أورا عن طلاءها للجدار، أخذت خطوة للخلف واستدارت نحو سيرشا التي كانت بدورها مستغربة من ردة فعل أورا.
- إنتي تعرفيه؟
- قابلته النهاردة في الشارع، وقعت مني علبة دهان فعطاهالي، وبعدين سألني عن متغير من نوع HK400، طبعا مقلتلهوش حاجة، بس... أنا ارتبكت شوية وحسيت بخوف.
- مفيش مشكلة خالص، المهم إنه ملاحظش إنك متغيرة. ملاحظش، صح؟
- لأ... مش عارفة، أنا خايفة.
- واضح إنك نسيتي تعملي إلغاء تفعيل للحجب لغاية دلوقتي.
ضغطت سيرشا على الجانب الأيمن من رأس أورا لتستعيد رشدها، رمشت أورا ثم أزفرت.
- أظن إني بقيت أحسن.
- أنا بقول نكمل دهان بكرا، النهاردة يومي كان مرهق شوية، بس تقدري تقولي إنه كان كويس.
- تمام، نبقى نكمل شغلنا بكرا.
---------------------------------------------------------------
| أنا لسة حاسة بالذنب لأني مظهرتش لهانك لغاية دلوقتي، أنا لازم أبقى قريبة منه بس مينفعش أرجع. ممكن أستغل وجود كونر في إني أعرف حال هانك. |
---------------------------------------------------------------
هاايي يعيالي كل سنة وانتوا طيبين.
أخيرا نزل الشابتر يجدعان، أنا نفسي زهقت لأني منشرتش ف الستوري بقالي شهر تقريبا وكنت خايفة إني منشرش الشهر دا كمان.
إني وايز، اقروا واستمتعوا ورمضان كريم عليكوا، بحبكوا أوي وبشكركوا على دعمكم ليا ووجودكم ف حياتي رغم أنه شيء صغير بس بيفرق ف دنيتي الصغيرة. ♡♡
أول ذا لاف، يرير. ♡
10.05.19
Bạn đang đọc truyện trên: AzTruyen.Top